மொஹல் சிக்கன் / mughlai chicken

முதலில் சிக்கனை நன்றாக கழுவி ஒரு பாத்திரத்தில் எடுத்துக்கொள்ளவும் இதில் மிளகாய்த்தூள் மஞ்சள் தூள் கரம் மசாலா உப்பு எலுமிச்சை சாறு கலந்து அரை மணி நேரம் ஊறவைக்கவும்

ஒரு கடாயில் எண்ணெய் ஊற்றி எண்ணெய் சூடானதும் நறுக்கி வைத்த வெங்காயத்தை சேர்த்து பொன்னிறமாக பொரித்தெடுக்கவும்

பிறகு எண்ணெயில் ஊற வைத்த சிக்கனை 3/4 பதம் வரை பொரித்தெடுக்கவும்

ஒரு மிக்ஸி ஜாரில் பச்சைமிளகாய் முந்திரி பொரித்தெடுத்த வெங்காயம் சேர்க்கவும்

முதலில் தண்ணீர் சேர்க்காமல் கரகரப்பாக அரைத்துக்கொள்ளவும் பிறகு இதில் தயிர் சேர்த்து மையாக அரைத்துக் கொள்ளவும்

பிறகு கடாயில் சிறிது எண்ணெய் விட்டு சோம்பு பட்டை லவங்கம் தாளித்து அரைத்து வைத்திருக்கும் வெங்காய மசாலாவை சேர்த்து எண்ணெய் பிரியும் வரை 5-8 நிமிடம் மிதமான தீயில் வதக்கவும்

பிறகு இஞ்சி பூண்டு விழுது சேர்த்து பச்சை வாசனை போக நன்றாக வதக்கவும் பச்சை வாசனை போன பிறகு பொரித்து வைத்திருக்கும் சிக்கனை சேர்த்து அதனுடன் உப்பு சேர்த்து நன்றாக வதக்கவும்

இப்போது ஒன்றரை கப் தண்ணீர் சேர்த்து கொதிக்கவிடவும் கொதி வந்த பிறகு பச்சை மிளகாயை சேர்த்து அடுப்பை குறைந்த தீயில் 10 நிமிடம் வைக்கவும்

இப்போது எண்ணெய் பிரிந்து குழம்பு கெட்டியானதும் அதன் மேல் கொத்தமல்லி இலை தூவி பரிமாறவும்