வாழைத்தண்டை சிறு துண்டுகளாக நறுக்கி சிறிது மோர் கலந்த தண்ணீரில் போட்டு வைத்துக் கொள்ளவும். ஒரு கிண்ணத்தில் 100 கிராம் கடலைப் பருப்பை கழுவி 15 நிமிடங்கள் தண்ணீர் ஊற்றி ஊற விடவும். ஒரு குக்கரில் ஊற வைத்த கடலைப்பருப்பு சேர்த்துப்பின் ஊறவைத்த வாழைத்தண்டை நீர் இல்லாமல் வடித்து எடுத்துக் கொண்டு மஞ்சள் தூள் மிளகாய் தூள் தேவையான அளவு உப்பு சேர்த்து பிசைந்து அரை டம்ளர் தண்ணீர் ஊற்றி குக்கரில் போட்டு ஒரு விசில் விட்டு வேக வைத்து கொள்ளவும்.

ஒரு கடாயில் எண்ணெய் ஊற்றி கடுகு உளுத்தம்பருப்பு தாளித்து நீளமாக நறுக்கிய வெங்காயம்,கறிவேப்பிலை சேர்த்து நன்கு வதக்கி வேகவைத்த வாழைத்தண்டை சேர்த்து நீர் இல்லாமல் நன்கு கிளறி தேங்காய் பூவை தூவி இறக்கினால் சத்தான வாழைத்தண்டு பொரியல் தயார்.