வடு மாங்காய் ஊறுகாய் (vadu mangai pickle)

வடுமாங்காயை நன்கு கழுவி, கம்பு நீக்கிவிட்டு, ஈரத்தை கொஞ்சமும் இல்லாமல் துடைத்து, உப்பு, மஞ்சள் தூள் ஆமணக்கு எண்ணை சேர்த்து நன்கு குலுக்கி வைக்கவும். ஒரு வாரம் இதேபோல் காலை, மாலை இரண்டு முறை குலுக்கி வைக்கவும்.

பின்னர் மாங்காயில் நிறைய தண்ணீர் வரும், அந்த தண்ணீரில் கொஞ்சம் எடுத்து, அத்துடன் கடுகு, வற்றல் மிளகாய் சேர்த்து மிக்ஸியில் விழுதாக அரைக்கவும்.

இப்போது அரைத்த விழுதை ஊறவைத்துள்ள மாங்காயில் சேர்த்து நன்கு கலந்து வைக்கவும். ஒரு வாரம் மேலே சொன்னது போல் குலுக்கி வைக்கவும். மாங்கையின் தோல் நல்ல சுருங்கி வரும், அப்போது உபயோகிக்க எடுக்கலாம். நாட்கள் செல்ல செல்ல மாங்காயின் சுவை அதிகரிக்கும்.

இந்த ஊற்றுகாயிற்கு எண்ணை ஏதும் சேர்க்கப்படவில்லை. மூன்று டேபிள் ஸ்பூன் ஆமணக்கு எண்ணை மட்டுமே பயன்படுத்தி இருக்கிறோம். பொதுவாக ஊற்றுக்காய் என்றாலே, நிறைய எண்ணை ஊற்றுவார்கள். ஆனால் வடுமாங்காய் ஊறுகாய்க்கு மட்டும் எண்ணையே இல்லை. பதப்பொருள் ஏதும் சேர்க்கப்படவில்லை.

தயிர் சாதத்துடன், மற்ற எல்லா உணவுடனும் சுவைக்கலாம். ஏப்ரல், மே மாதங்களில் எல்லா இடங்களிலும் வடுமாங்காய் கிடைக்கும். அனைவரும் இதே முறையில் செய்து சுவைக்கவும்.