பச்சரிசியை ஒரு மணி நேரம் தண்ணீரில் ஊற வைக்கவும். பின் தண்ணீரை நன்கு வடித்துவிட்டு இரண்டு நிமிடம் துணியில் உலர விடவும்.

பச்சரிசியை மிக்ஸியிலோ அல்லது மிசினிலோ  இடிக்கவும்.
பின் பச்சரிசி மாவினை சல்லடையில் (பெரிய ஓட்டையில்) போட்டு சலித்து வைத்துக் கொள்ளவும்.  

தேங்காயைத் துருவிக் கொள்ளவும். ஏலக்காய் மற்றும் சுக்கினை மிக்ஸியில் போட்டு தண்ணீர் சேர்க்காமல் அடித்துக் கொள்ளவும்.

கருப்பட்டியை சிறுதுண்டுகளாக்கி ஒரு பாத்திரத்தில் போட்டு அதனுடன் ஒரு குழிக்கரண்டி அளவு தண்ணீர் சேர்த்து அடுப்பில் சிம்மில் வைக்கவும். கருப்பட்டிக் கலவையை கரண்டியால் கிண்டி விடவும். கருப்பட்டி முழுவதும் கரைந்ததும் கருப்பட்டிப்பாலை அடுப்பில் இருந்து இறக்கவும்.

பின் அதனை வடிகட்டி சலித்த பச்சரிசி மாவில் சேர்க்கவும்.

மாவில் துருவிய தேங்காய் மற்றும் ஏலக்காய், சுக்கு தூளை சேர்க்கவும். பின் மாவினை ஒரு சேரக் கிளறவும்.  மாவானது ஓட்டாமல் ஒன்று திரண்டு வரும்.

இப்பொழுது சிறிதளவு மாவை எடுத்து கையில் வைத்து கைதடம் பதியுமாறு கொழுக்கட்டையாகத் திரட்டவும். இவ்வாறு எல்லா மாவையும் கொழுக்கட்டைகளாகத் திரட்டவும்.

பின் கொழுக்கட்டைகளை இட்லி தட்டில் அடுக்கி இட்லிப் பானையில் ஆவியில் வேக வைத்து எடுக்கவும்.

சுவையான பிடி கொழுக்கட்டை தயார்.
இதனை குழந்தைகளுக்கு சிற்றுண்டியாகவும் செய்து கொடுக்கலாம்.