தண்ணீர் 1 1/4 கப் கிண்ணத்தில் ஊற்றி கொதிக்க விடவும்.1 டீஸ்பூன் ஆயில்,1 சிட்டிகை உப்பு பச்சரிசி மாவு 3/4 கப் சேர்த்து கரண்டி வைத்து கிண்டி அடுப்பை அணைத்து விடவும். மாவு பாத்திரத்தில் ஒட்டாமல் நடுவில் பந்து போல வர வேண்டும். ஈர துணி கொண்டு மூடி வைக்கவும்.

கடாயில 3 டீஸ்பூன் நெய் விட்டு பொடித்த முந்திரி 5 சேர்த்து பொன்னிறமாக வறுத்து துருவிய தேங்காய் 1 மூடி சேர்த்து வறுக்கவும்.வெல்லம் பொடித்து வைக்கவும்.

வெல்லம் 1/4 குண்டு பொடித்து வைத்ததை தேங்காயுடன் சேர்த்து கிளறவும்.ஏலக்காய் தூள் 1/2 டீஸ்பூன் சேர்த்து கிளறவும்.கொழுக்கட்டையில் வைக்கும் பூரணம் ரெடி.

மூடி வைத்த பச்சரிசி மாவில் ஒரு எலுமிச்சை அளவு மாவு எடுத்து அதை கையில் வைத்து தட்டையாக செய்து நடுவில் பூரண மாவு வைத்து மூடி விடவும்.மோதகம் ஆகவும் செய்யலாம்.இட்லி தட்டில் ஒன்றுடன் ஒன்று ஒட்டாமல் வைத்து ஆவியில் வேக விடவும்.