கோதுமை மாவு வெஜ் ரோஜா பூ வடிவ மோமோஸ் (Kothumai veg rose momos recipe in tamil)

முதலில் கோதுமை மாவு, ஒரு ஸ்பூன் எண்ணெய், சிறிதளவு உப்பு சேர்த்து மாவை நன்கு பிசைந்து கொள்ளவும்.அதை அரை மணி நேரம் ஊற வைக்கவும்.

மாவு ஊறுவதற்குள் மாவின் நடுவே வைப்பதை தயார் செய்யவும்,அதற்கு முதலில் ஒரு கடாயை எடுத்து அதில் எண்ணெய் ஊற்றி எண்ணெய் காய்ந்ததும்,கடுகு போடவும் கடுகு பெரிந்ததும் வெங்காயத்தை போட்டு வதக்கவும் பின்னர் அதனுடன் கேரட்,கோஸ், குடைமிளகாய் மூன்றையும் போட்டு வதக்கவும்

பின்னர் அதனுடன் நறுக்கிய இஞ்சி பூண்டு கொத்தமல்லி இலை போடவும்.பின்னர் அதனுடன் உப்பு மற்றும் மிளகாய் தூள் சேர்க்கவும்

ஒரு 5 நிமிடங்கள் கழித்து அரை பதத்துடன் கிளறி இறக்கவும். பிறகு ஊறிய மாவை எடுத்து மூன்று வித்தியாசத்தில் இரண்டாவது படத்தில் காட்டியவாறு சிறு உருண்டைகளாக உருட்டி தேய்க்கவும்.

அதனுடன் வதக்கியதை நடுவே வைத்து சிறிய பக்கத்தில் இருந்து பெரிய பக்கம் வரை சுற்றவும்.சுற்றி முடித்தபின் படம் இரண்டாவதில் காட்டியபடி வரும்

பிறகு ஒரு பாத்திரத்தில் தண்ணீர் ஊற்றி தண்ணீர் காய்ந்ததும் அதில் ஒரு ஸ்டாண்டு வைக்கவும். பிறகு அதன் மேல் ஒரு தட்டு வைத்து அதில் வைத்து 20 நிமிடம் வேகவைக்கவும்