முதலில் கோதுமை மாவு இரண்டு கப் எடுத்து அதில் எண்ணெய் 2 ஸ்பூன் உப்பு தேவையான அளவு சேர்த்து சிறிது சிறிதாக தண்ணீர் விட்டு சப்பாத்தி மாவு போல் மிருதுவாக பிசைந்து கொள்ளவும்.. பிறகு 10 நிமிடம் ஊறவைக்கவும்..

அரை லிட்டர் பாலை கொதிக்க வைத்து அதில் எலுமிச்சைச் சாறு பிழிந்து விடவும் பிறகு பால் திரண்டு வரும் அதனை ஒரு வெள்ளைத் துணியால் பிழிந்து எடுக்கவும் அதனை கழுவி மறுபடியும் பிழிந்து எடுத்து வைத்துக் கொள்ளவும் இதுதான் பன்னீர்..

ஒரு வாணலியில் எண்ணெய் ஊற்றி காய்ந்ததும் வெங்காயம் சேர்த்து வதக்கவும்.. அதில் மிளகாய்த்தூள் மஞ்சள்தூள் கரம் மசாலா உப்பு ஆகியவற்றை சேர்த்து வதக்கவும்.. பிறகு அதில் பன்னீர் சேர்த்து கிளறி இறக்கவும்..

மாவை எடுத்து சப்பாத்தி போல் திரட்டி கொள்ளவும் ஒரு பாத்திரம் வைத்து வட்ட வடிவமாக அதில் அச்சு வைக்கவும்.. அதில் பன்னீர் மசாலாவை வைத்து மோமோஸ் களாக மடித்துக் கொள்ளவும்.. பிறகு இட்லி பாத்திரத்தில் வைத்து 10 நிமிடம் வேக வைக்கவும்..

3 தக்காளி வரமிளகாய் நான்கு பல் பூண்டு ஆகியவற்றை தண்ணீர் ஊற்றி கொதிக்க விடவும்.. வெந்ததும் தக்காளி தோலை உரித்து எடுக்கவும்.. பிறகு தண்ணீரை வடித்து அவற்றை மிக்ஸியில் போட்டு உப்பு சேர்த்து அரைத்துக் கொள்ளவும் மோமோஸ் சட்னி தயார்..