அடுப்பில் ஒரு கடாயை வைத்து இரண்டு ஸ்பூன் எண்ணெய் ஊற்றி எண்ணெய் சூடானதும் கடுகு உளுந்தம்பருப்பு சீரகம் போட்டு தாளிக்கவும் பிறகு அதில் பச்சை மிளகாய் கறிவேப்பிலை கொத்தமல்லி போட்டு தாளிக்கவும். பிறகு பொடியாக நறுக்கிய வெங்காயத்தைப் போட்டு வதக்கவும்.

வெங்காயம் வதங்கியதும் கேரட்,முட்டைகோஸ் போட்டு வதக்கவும். பிறகு அதில் உப்பு போட்டு 1 1/2 கப் தண்ணீர் ஊற்றி கொதிக்க விடவும்

தண்ணீர் நன்கு கொதி வந்தவுடன் ஒரு கப் ராகி மாவை போட்டு நன்கு கிளறவும் மாவு திரண்டு வரும் வரை கிளறவும். பிறகு மாவை ஆறவிடவும். மாவு ஆறியவுடன் கொழுக்கட்டை அச்சில் எண்ணை தடவி மாவை வைத்து அச்சு எடுக்கவும்.

அடுப்பில் இட்லி பாத்திரத்தை வைத்து தண்ணீர் ஊற்றி தண்ணீர் சூடானதும் இட்லி தட்டை வைத்து துணியைப் போட்டு கொழுக்கட்டையை வைத்து 10 நிமிடம் வேக விடவும். வெந்ததும் எடுத்துப் பரிமாறவும்.