ஒரு கப் தயிரை கடைந்து கொள்ளவும். ரெண்டு ஸ்பூன் வரக்கொத்தமல்லி, ஒரு ஸ்பூன் கடலைப்பருப்பு, ஒரு ஸ்பூன் துவரம் பருப்பு மூன்றையும் தண்ணீரில் கழுவி கொஞ்சமாக தண்ணீர் சேர்த்து ஊற வைத்துக் கொள்ளவும்.அரைக்க தேங்காய் துருவல், 8 சின்ன வெங்காயம், 5 பச்சைமிளகாய், ஒரு சிறிய துண்டு இஞ்சி, இரண்டு ஸ்பூன் சீரகம் எடுத்து வைத்துக் கொள்ளவும். தாளிக்கத் தேவையான பொருட்களை தயார் செய்து கொள்ளவும்.

ஒரு வாணலியில் கொஞ்சமாக எண்ணெய் சேர்த்து பச்சை மிளகாய் மற்றும் இஞ்சியை வாசம் வர வறுத்துக்கொள்ளவும். பிறகு இவற்றுடன் தேங்காய் மற்றும் ஊறிய பருப்புகள்,வர கொத்தமல்லி சேர்த்து கொஞ்சமாக தண்ணீர் சேர்த்து மிக்ஸியில் அரைத்துக் கொள்ளவும். இதனுடன் ஒரு ஸ்பூன் சீரகம் அரை ஸ்பூன் மஞ்சள்தூள் சேர்த்து மீண்டும் ஒருமுறை நைசாக அரைத்துக் கொள்ளவும். இந்த தேங்காய் விழுதை தனியாக எடுத்து வைத்துவிட்டு எட்டு சின்ன வெங்காயத்தை ஒன்றிரண்டாக மிக்ஸியில் ஒட்டிக் கொள்ளவும்.

இந்த அரைத்த விழுது மற்றும் வெங்காயம் சேர்த்து அரைத்து மோரில் கலந்து கொள்ளவும். மிக்ஸி கழுவிய தண்ணிரை மோரில் கலந்து கொள்ளவும். உப்பு தேவையான அளவு சேர்த்துக் கொள்ளவும். இதற்கிடையில் சேப்பங்கிழங்கை தோல் சீவி சிறிய அளவில் அறிந்து கொள்ளவும். அன்னாசி பழத் துண்டுகளையும் சேப்பன் துண்டுகளையும் கொஞ்சம் தண்ணீர் சேர்த்து மூடி வைத்து நன்கு வேகவிடவும்.

அடுப்பில் மோர் குழம்பு கலவையை வைத்து கொதிக்க விடவும். கொதி வர ஆரம்பித்தவுடன் அடுப்பை நிறுத்தி விடவும். வேகவைத்த கிழங்கு மற்றும் அன்னாசி துண்டுகளை ஆறவைத்து மோர்க் குழம்பில் சேர்க்கவும். ஒரு வாணலியில் தேங்காய் எண்ணெய் சேர்த்து அதில் கடுகு, உளுத்தம்பருப்பு, பெருங்காயத்தூள், சீரகம்,வரமிளகாய் மற்றும் கறிவேப்பிலை சேர்த்து தாளிக்கவும். தாளிப்பு மோர்க் குழம்பில் சேர்த்து கலந்து விடவும். கடைசியாக கொத்தமல்லி தழை தூவி அலங்கரிக்கவும்.