கோதுமை மாவை நன்கு சலித்து வைத்துக் கொள்ளவும். 2 கப் கோதுமை மாவில் கால் ஸ்பூன் மஞ்சள் தூள்,அரை ஸ்பூன் வரமிளகாய்த்தூள், கால் ஸ்பூன் சீரகத்தூள், அரை ஸ்பூன் கரம் மசாலாத்தூள்,அரை ஸ்பூன் ஓமம், ஒரு ஸ்பூன் கஸ்தூரி மெத்தி, ஒரு ஸ்பூன் இஞ்சி பேஸ்ட், உப்பு தேவையான அளவு,ரெண்டு ஸ்பூன் கொத்தமல்லி தழை ஆயில் 2 ஸ்பூன் போட்டு நன்கு கலந்து கொள்ளவும். பொதினா தழை இருந்தால் ஒரு ஸ்பூன் கூட சேர்த்து கொள்ளலாம் சுவை நன்றாக இருக்கும்

நன்கு கலந்த மாவில் ஒரு கப் தயிரை சேர்த்து 5 நிமிடம் வரை நன்கு பிசைந்து கொள்ளவும். தேவைப்பட்டால் தயிரோ அல்லது தண்ணீரோ கொஞ்சம் சேர்த்துக் கொள்ளவும். பிசைந்த மாவின் மேல் ஒரு ஸ்பூன் எண்ணை தடவி 20 நிமிடம் மூடி வைக்கவும். 20 நிமிடங்கள் கழித்து மாவுகளை தேவையான அளவில் உருட்டி வைத்துக் கொள்ளவும்

உருண்டை ஒன்றை எடுத்து சப்பாத்தி தேய்க்கும் பலகையில் வைத்து முதலில் வட்டவடிவில் நகர்த்தி கொள்ளவும். அதன்மேல் கொஞ்சம் எண்ணெய் தடவி மீண்டும் அதன் மேல் கொஞ்சம் கோதுமை மாவை பரவலாக தூவி விடவும் பிறகு அதை இரண்டாக மடிக்கவும். மடித்த மாவில் மீண்டும் எண்ணெய் பரவலாக தடவி மீண்டும் அதன் மேல் கொஞ்சம் கோதுமை மாவை தூவி விடவும் அதை மீண்டும் மடிக்கவும். இப்பொழுது முக்கோண வடிவத்தில் மடித்த சப்பாத்தி மாவு இருக்கும். அதை பூரி நகர்த்தும் கட்டை கொண்டு முக்கோண வடிவில் நகர்த்தி கொள்ளவும்.

முக்கோண வடிவில் நகர்த்திய சப்பாத்தி மாவு போல், எல்லா உருண்டைகளையும் நகர்த்தி, சுடுவதற்கு தயார்படுத்தி வைத்துக் கொள்ளவும்.

அடுப்பைப் பற்றவைத்து, அதில் தோசைக்கல்லை சூடேற்றி, ஒரு ஸ்பூன் எண்ணெய் எடுத்து தோசைக்கல்லில் பரவலாக விடவும். பிறகு நகர்த்திய சப்பாத்தியை தோசைக்கல்லில் போடவும் இருபுறமும் சிறிது சூடு பண்ணி மீண்டும் ஒரு ஸ்பூன் எண்ணெய் பரவலாக விடவும்.

இரு புறமும் திருப்பி போட்டு தீய விடாமல் சப்பாத்திகள் அனைத்தையும் சுட்டு எடுக்கவும். விருப்பப்பட்டால் நெய் அல்லது வெண்ணை தடவியும் சுட்டு எடுக்கலாம்.தயிர் பயன்படுத்தி செய்வதால் சப்பாத்தி மிகவும் மிருதுவாக இருக்கும். லேயர்ட் பராத்தா ரெடி. தொட்டு கொள்ள ரைத்தா வகைகள் மற்றும் தால் பிரை குருமா வகைகள் சுவையாக இருக்கும்.