ஒரு கடாயை எடுத்துக்கொள்ளவும். கடாய் சூடானதும் 1 ஸ்பூன் நெய் ஊற்றி முந்திரிப் பருப்புகளை பொன்னிறமாக வறுத்தெடுக்கவும். அதே கடாயில் ரவாவை போட்டு 1 நிமிடம் வறுத்து ஒரு தட்டில் போட்டு ஆறவிடவும்.

அடுப்பில் ஒரு கடாயை வைத்து இரண்டு ஸ்பூன் எண்ணெய் ஊற்றி எண்ணெய் சூடானதும் கடுகு உளுந்தம்பருப்பு,கறிவேப்பிலை, பச்சை மிளகாய் போட்டு தாளிக்கவும். பிறகு பொடியாக நறுக்கிய வெங்காயத்தை போட்டு வதக்கவும்.

வெங்காயம் வதங்கியதும் தக்காளியை போட்டு வதக்கவும். பிறகு 1 ஸ்பூன் இஞ்சி பூண்டு விழுதை போட்டு பச்சை வாசனை போகும் வரை வதக்கவும். பிறகு மிளகாய்த்தூள், கரம் மசாலாத்தூள், மஞ்சள்தூள் தேவையான அளவு உப்பு போட்டு வதக்கவும்.

எல்லாம் நன்கு வதங்கியதும் நெய்யில் வறுத்து வைத்த ரவாவை கொட்டி ஒரு நிமிடம் எல்லாத்தையும் ஒன்று சேர்த்து கிளறவும்.

பிறகு அதில் 3 கப் தண்ணீர் ஊற்றவும். அடுப்பை சிம்மில் வைத்து 5 நிமிடம் வேக விடவும். எண்ணெய் பிரிந்து வரும்போது நன்கு கிளறவும். பிறகு 1 ஸ்பூன் நெய் ஊற்றி கிளறி நல்லா சுருண்டு வரும் போது நெயில் வறுத்த முந்திரி பருப்பை அதில் போட்டு கிளறி அடுப்பை நிறுத்தவும்.

சுவையான கர்நாடகா காரா பாத் தயார். கொத்தமல்லி தூவி பரிமாறவும்.