ஒரு கப் துவரம் பருப்பை நன்கு குழைய வேக வைத்து ஒரு டம்ளர் தண்ணீர் சேர்த்து கலந்து விடவும். இரண்டு தக்காளியை மிக்ஸியில் அடித்து வைக்கவும். புளி ஊற வைத்து கரைத்து வடிகட்டி வைக்கவும். பூண்டு நசுக்கிவைக்கவும்.

ரசப் பொடிக்கு ஒரு வாணலியில் எண்ணெய் விட்டு தனியா கடலைப்பருப்பு சிவப்பு மிளகாய் சீரகம் மிளகு சிவக்க வறுத்து அரைத்து வைக்கவும். ஒரு வாணலியில் எண்ணை விட்டு கடுகு ஒரு வரமிளகாய் கருவேப்பிலை நசுக்கிய பூண்டு போட்டு தாளித்து தக்காளி வதக்கி புளி நீர் விட்டு கொதிக்க விடவும்.புளி பச்சை வாசனை போனதும் பருப்பு தண்ணீர்விட்டு ரசப்பொடி போட்டு தேவையான உப்பு மஞ்சள் தூள் சேர்த்து கலந்து ஒரு கொதி வந்ததும் கொத்தமல்லி இலை சேர்த்து இறக்கவும். மிகவும் சுவையான உடுப்பி ரசம் தயார்.