ஒரு கப் பச்சை அரிசியை தண்ணீரில் கழுவி ஒரு மணி நேரம் வரை ஊற வைத்துக் கொள்ளவும். 5 கப் பால் காய்ச்சி வைத்துக் கொள்ளவும். நான்கு கப் பால் போதுமானது. இருந்தாலும் சாதம் ஆறிய பிறகு கெட்டியாக இருக்கும். உங்களுக்கு தேவையான அளவு4 அல்லது 5 தம்ளர் பால் சேர்த்துக் கொள்ளவும். இதை பாத்திரத்திலும் வேகவிட்டு செய்யலாம். குக்கரிலும் செய்யலாம். பாத்திரத்தில் வேகவிட்டு செய்யும் பொங்கல் மிகவும் சுவையாக இருக்கும். அதற்கு 5 கப் பால் தேவைப்படும்.

நான் இன்று குக்கரில் செய்தேன். அரிசி நன்கு ஊறியவுடன் ஒரு பாத்திரத்தில் 5 கப் வரை பால் சேர்த்து அரிசியை அதில் சேர்க்கவும். ஒரு தட்டு போட்டு மூடி குக்கரில் வைத்து இரண்டு சவுண்ட் விடவும். பிறகு அடுப்பை சிம்மில் வைத்து 15 நிமிடம் வரை வைத்திருக்கவும். பிறகு அடுப்பை நிறுத்தி விடவும். ஆவி அடங்கியவுடன் குக்கரில் இருந்து பால்சாதம் பாத்திரத்தை வெளியில் எடுத்து கரண்டி கொண்டு சாதத்தை நன்கு கலந்து விடவும். சுவையான பால் பொங்கல் ரெடி.