வரகு, தினை, சாமை முன்றையும் நன்றாக கழுவி 6மணி நேரம் ஊற வைக்கவும்.

உ. பருப்பு, சிறிது வெந்தயம் சேர்த்து 2மணி நேரம் ஊற வைக்கவும். பிறகு கிரைண்டரில் சிறுதானியத்தை நைசாக அரைக்கவும். பிறகு உ. பருப்பு தனியாக இட்லிக்கு அரைப்பது போல் அரைக்கவும். பிறகு உப்பு சேர்த்து நன்கு இரண்டையும் கலந்துவிடவும்.

ஒரு வாணலியில் எண்ணெய் ஊற்றி கடுகு தாளித்து பொடியாகநறுக்கிய வெங்காயம், பச்சை மிளகாய் சேர்த்து கறிவேப்பிலை தாளித்து சிறுதானிய மாவில் போட்டு கலக்கவும். பணியாரக்கல் சூடாக இருக்கும் போது பணியாரம் ஊற்றி திருப்பி போட்டு எடுக்கவும். சுவையான சிறுதானிய பணியாரம் ரெடி. தேங்காய் சட்னி, கத்திரிக்கா புளி கொத்சு தொட்டு சாப்பிட சுவையாக இருக்கும்.