கேழ்வரகு கோதுமை மாவு ரொட்டி (Kelvaragu kothumai maavu rotti recipe in tamil)

1 கப் கேழ்வரகு மாவு, 1 கப் கோதுமை மாவை சலித்து எடுத்து வைக்கவும். இரண்டையும் ஒன்றாக ஒரு கிண்ணத்தில் சேர்த்து உப்பு சேர்த்து கலக்கி விடவும்.

1 பெரிய வெங்காயம், 2 பச்சை மிளகாய் சிறிது கறிவேப்பிலை சிறிது கொத்தமல்லி தழை கழுவி நறுக்கி எடுத்து வைக்கவும்.கடாயில் 2 டீஸ்பூன் ஆயில் விட்டு 1/2 டீஸ்பூன் கடுகு, 1 டீஸ்பூன் உளுந்து பருப்பு, 1 டீஸ்பூன் கடலை பருப்பு சிறிது பெருங்காயம் சிறிது கறிவேப்பிலை கொத்தமல்லித் தழை சேர்த்து நன்கு வதக்கி விடவும். வதக்கியதை எடுத்து வைத்த மாவில் சேர்த்து விடவும்.

தண்ணீர் சிறிது விட்டு மாவை கெட்டியாக பிசைந்து வைக்கவும். ஒரு சிறிய வாழை இலையில் தண்ணீர் சிறுதும் ஆயில் சிறிதும் தடவி ஒரு உருண்டை மாவை எடுத்து இலகுவாக தட்டி வைக்கவும். தோசைக்கல்லை சூடேற்றி ஆயில் சிறிது விட்டு படத்தில் உள்ளது போல இலையை தோசைக்கல்லின் மேலே தட்டி விடவும். இலையை மெதுவாக எடுத்து விடவும்.

ஆயில் விட்டு இருபுறமும் வேகவிட்டு பொன்னிறமாக எடுத்து வைக்கவும்.

சுவையான கேழ்வரகு கோதுமை மாவு ரொட்டி தயார்.😄😄 பொட்டுக்கடலை சட்னி,நெய் வைத்து பரிமாறினேன். மிகவும் சுவையாக இருந்தது.