புளி 3 பெரிய நெல்லி அளவு ஊறவிடவும்.புழுங்கல் அரிசியை பரபர என்று கிரைண்டரில் ஆட்டி வைக்கவும்.தேங்காய் துருவல் 1 மூடி துருவி அதனுடன் உப்பு சேர்த்து மிக்ஸி ஜாரில் அரைத்து வைக்கவும்.

புளியை கரைத்து வைக்கவும். கடுகு 1 டீஸ்பூன்,உளுந்து பருப்பு 3 டேபிள் ஸ்பூன்,கடலை பருப்பு 3 டேபிள் ஸ்பூன் வரமிளகாய் 10 கிள்ளி தாளிக்க வைக்கவும்.

கறிவேப்பிலை சிறிது கழுவி எடுத்து வைக்கவும்.கடாயில் 2 குழி கரண்டி ஆயில் விட்டு கடுகு,உளுந்து பருப்பு,கடலை பருப்பு,வரமிளகாய் கிள்ளியது கறிவேப்பிலை,பெருங்காயம் 1/2 டீஸ்பூன் அளவு சேர்த்து பொன்னிறமாக தாளிக்கவும்.

அதில் அரைத்த அரிசி மாவு புளி கரைத்த தண்ணீர் தேங்காய் உப்புடன் அரைத்த விழுது அணைத்து சேர்த்து கலக்கி விடவும்.கிளறி விடவும்.

மாவில் உள்ள தண்ணீர் வற்றியவுடன் அடுப்பை சிம்மில் வைத்து மூடி வேக விடவும்.மீதம் உள்ள 2 குழி கரண்டி ஆயிலை மாவு மேலே ஊற்றி வேக விடவும்.

மாவு வெந்து புலிங்கி வரும். அடிக்கடி திறந்து கிளறி, கையில் தொட்டு பார்த்தால் ஓட்டாமல் இருக்கும். புளி மாவு வேக தாளித்ததில் இருந்து 20 முதல் 30 நிமிடம் வரை ஆகும்.மாவை எடுத்து கிண்ணத்தில் வைத்து பிறகு, கடாயில் அடியில் ஒட்டி இருக்கும் பத்தை எடுத்து வைத்து உள்ளேன். மொறு மொறு என்று மிகவும் சுவையாக இருக்கும்.

சுவையான சூப்பரான புளி மாவு ரெடி.இதற்கு தயிர்,பொட்டுக்கடலை சட்னி தொட்டு சாப்பிட மேலும் சுவையாக இருக்கும்.😋😋