வரகு அரிசி கிச்சடி (Varaku arisi khichadi recipe in tamil)

1 கேரட், 2 பெரிய வெங்காயம் 4 பச்சை மிளகாய், 1 துண்டு இஞ்சி 1 தக்காளி ஆகியவற்றை தோல் நீக்கி கழுவி பொடியாக நறுக்கி வைக்கவும். சிறிது கறிவேப்பிலை சிறிது கொத்தமல்லித் தழை எடுத்து வைக்கவும்.வரகு அரிசியை நன்கு கழுவி 1 கப் அரிசிக்கு 2 கப் தண்ணீர் வீதம் ஊற்றி ஊற விடவும்.

1 கப் காய்ந்த பச்சை பட்டாணியை ஊற விட்டு குக்கரில் மூன்று விசில் வேகவிட்டு தண்ணீரை வடித்து எடுத்து வைக்கவும்.கடாயில் 3 டீஸ்பூன் ஆயில் விட்டு 1 டீஸ்பூன் கடுகு, 1/2 டீஸ்பூன் சீரகம், 1 டேபிள் ஸ்பூன் உளுந்து பருப்பு, 1 டேபிள் ஸ்பூன் கடலை பருப்பு சிறிது பெருங்காயம் தாளித்து விடவும்.

நறுக்கிய இஞ்சி, பச்சை மிளகாய், பெரிய வெங்காயம் சேர்த்து வதக்கி விடவும். அதனுடன் நறுக்கிய கேரட் தக்காளி, பச்சை பட்டாணி அனைத்தையும் சேர்த்து நன்கு வதக்கி விடவும். 2 கப் தண்ணீர் விட்டு1/4 டீஸ்பூன் மஞ்சள் தூள், உப்பு சேர்த்து கொதிக்க விடவும்.

தண்ணீர் கொதி வந்தவுடன் வரகு அரிசியையும் சேர்த்து விட்டு அடுப்பை சிம்மில் வைத்து மூடி விடவும். அடிக்கடி திறந்து கிளறி விடவும். 20 நிமிடத்தில் வரகு அரிசி வெந்து விடும்.