3/4 ஆழாக்கு பச்சரிசி,1/4 ஆழாக்கு துவரம் பருப்பு இரண்டையும் மிக்ஸி ஜாரில் சேர்த்து கொரகொரப்பாக (ரவை பதத்திற்கு) அரைத்து விடவும்.

8 வரமிளகாயை கிள்ளி வைக்கவும். கறிவேப்பிலையை சிறிது கழுவி எடுத்து வைக்கவும். 3 டேபிள் ஸ்பூன் தேங்காய் துருவல் எடுத்து வைக்கவும்.

குக்கரில் 2 குழிக்கரண்டி ஆயில் விட்டு 1 டீஸ்பூன் கடுகு 2 டேபிள் ஸ்பூன் உளுந்து பருப்பு, 2 டேபிள்ஸ்பூன் கடலை பருப்பு சேர்த்து பொன்னிறமாக தாளித்து பெருங்காயம் 1/2 டீஸ்பூன் வர மிளகாய் 8 கிள்ளியது, சிறிது கறிவேப்பிலை சேர்த்து நன்கு வதக்கி விடவும்.

அதில் துருவிய தேங்காய் 3 டேபிள் ஸ்பூன் சேர்த்து வதக்கவும். 3 கப் தண்ணீர், உப்பு சேர்த்து நன்கு கொதிக்க விடவும். மிக்ஸி ஜாரில் பொடித்து வைத்த அரிசி துவரம் பருப்பு மாவை 1 கப் சேர்க்கவும்.

மாவை சேர்த்தவுடன் மூடிவிட்டு, அடுப்பை சிம்மில் வைத்து நன்கு கிளறிவிட்டு 45 நிமிடம் வேகவிடவும். அடிக்கடி கிளறி விடவும். மீதமுள்ள 1 குழிகரண்டி ஆயிலை சேர்த்து நன்கு கிளறி விடவும்.