பச்சரிசி புழுங்கல் அரிசி இரண்டையும் சேர்த்து நான்கு முறை அலசி ஊறவைக்கவும். உளுந்து தனியாக வெந்தயம் சேர்த்து ஊற வைக்கவும்.

உளுந்தை நன்றாக பந்துபோல அரைத்து வைக்கவும். அரிசியை கெட்டியாக நைஸாக அரைத்தெடுக்கவும். இரண்டு மாவையும் சேர்த்து பாதியளவு உப்பு சேர்த்து கெட்டியாக கரைத்து வைக்கவும். இது எட்டு மணி நேரம் புளிக்க வைக்கவும்

மறுநாள் காலை மாவு புளித்து விடும் தேங்காய் பால் எடுத்து அத்துடன் சர்க்கரை ஏலக்காய்த்தூள் கலந்து வைக்கவும்(.எப்போதும் நான் பாதி அளவு மாவை ஆப்பத்துக்கும் மீதி பாதியை குழிப்பணியாரத்திற்கும் உபயோகப்படுத்துவேன்)

ஒரு பவுலில் தேவையான மாவை எடுத்து சிறிது தண்ணீர் சேர்த்து கரைத்துக் கொள்ளவும். பிறகு அடுப்பில் ஆப்பச் சட்டியை சூடானவுடன் ஒரு கரண்டி மாவை எடுத்து ஊற்றி, கைப்பிடியை பிடித்துக்கொண்டு சுழற்றவும். மூடி போட்டு ஒரு நிமிடம் வேக விட்டு எடுக்கலாம். சுவையான ஆப்பம் தேங்காய்ப்பால் ரெடி.