தேங்காய் சாதம்

முதலில் தேவையான பொருட்கள் அனைத்தையும் தயாராக எடுத்து வைக்கவும். ஒரு கடாயில் தேங்காய் எண்ணெய் விட்டு காய்ந்ததும் அதில் கடுகு உளுத்தம்பருப்பு கடலைப்பருப்பு, நிலக்கடலை போட்டு தாளித்து அதனுடன் நறுக்கிய சின்ன வெங்காயம் சேர்த்து வதக்கவும். பின்னர் பொடியாக நறுக்கிய இஞ்சி கறிவேப்பிலை பச்சை மிளகாய் வரமிளகாய் சேர்த்து நன்றாக கலந்து வதக்கவும்.

தேவையான அளவு உப்பு சேர்த்து நன்கு கலந்து கொள்ளவும். பின்னர் துருவிய தேங்காய் சேர்த்து நன்றாக வதக்கவும். மிதமான தீயில் வைத்து நன்றாக வதக்கவும்.(தேங்காய் நன்றாக பொரிய வதக்கும் போது சீக்கிரம் கெட்டுப்போகாமல் இருக்கும் மற்றும் சுவையும் நன்றாக இருக்கும்). பின்னர் சாதத்தை சேர்த்து நன்றாக கலந்து கொள்ளவும். உப்பு சரிபார்த்து சிறிது கொத்தமல்லி இலை சிறிது கலந்து இறக்கவும். சூடான சுவையான தேங்காய் சாதம் ரெடி. நன்றி. ஹேமலதா கதிர்வேல்.