கொண்டைக்கடலையை முதல் நாள் இரவே ஊற வைத்துக் கொள்ளவும். கல்லை நன்கு ஊறிய பிறகு குக்கரில் தேவையான அளவு தண்ணீர் சேர்த்து உப்பு கலந்து 5 சவுண்டு வரை விடவும்.ஒரு பெரிய வெங்காயத்தை பொடியாக அரிந்து கொள்ளவும் கால் கப் தேங்காய் துருவல், 4 பச்சை மிளகாய், ஒரு துண்டு இஞ்சி, 4 அல்லது 5 பூண்டுப் பல், ஒரு பட்டை எடுத்துக் கொள்ளவும். இவற்றை மிக்ஸியில் கரகரப்பாக அரைத்துக் கொள்ளவும்.

ஒரு வாணலியில் ஒரு டேபிள்ஸ்பூன் எண்ணெய் சேர்த்து காய்ந்தவுடன் அதில் கடுகு சேர்த்து பொரியவிடவும். பிறகு உளுத்தம்பருப்பு, பெருங்காயத்தூள், கறிவேப்பிலை, வெங்காயம் சேர்த்து தாளிக்கவும். பிறகு வேக வைத்த கொண்டைக் கடலையை அதில் சேர்க்கவும். அரைத்த தேங்காய் விழுதை சேர்த்துக் கொள்ளவும். நன்கு கிளறி விடவும்.

தேங்காய் பச்சை வாசம் போகும் வரை மிதமான தீயில் வைத்திருக்கவும்.பிறகு கொத்தமல்லி தழை தூவி ஒரு கிளறு கிளறி பரிமாறும் பவுனுக்கு மாற்றவும்.

சுவையான சத்து நிறைந்த வெள்ளை கொண்டைக்கடலை மசாலா சுண்டல் தயார். மாலை நேர ஸ்நாக்ஸ் ஆக சாப்பிட ஏற்றது.குறிப்பு: வர மிளகாய் பச்சை மிளகாய் இரண்டும் தேங்காயுடன் அரைத்து சேர்த்தால் சுவை கூடும்.