முதலில் தேவையான பொருட்கள் அனைத்தையும் தயாராக எடுத்து வைக்கவும். பன்னீரை கையினால் சிறிது உதிர்த்து விடவும்.ஒரு கடாயில் 3 டீஸ்பூன் எண்ணெய் விட்டு காய்ந்ததும் அதில் பட்டை வகைகள் சேர்த்து பொரிய விடவும். பின்னர் பொடியாக நறுக்கிய வெங்காயம் சேர்த்து நன்கு வதக்கவும்.பின்னர் தக்காளி, கறிவேப்பிலை சேர்த்து வதக்கவும். பின்னர் மசாலா தூள் வகைகள் சேர்த்து நன்றாக வதக்கவும். தேவையான அளவு உப்பு மற்றும் உதிர்த்த பன்னீர் சேர்த்து நன்றாக வதக்கவும்.

பின்னர் சிறிது கொத்தமல்லி இலை தூவி கலந்து கொள்ளவும்.இப்போது பன்னீர் மசாலா ரெடி. ஒரு பணியாரக் கல்லை அடுப்பில் வைத்து சூடானதும் அதில் சிறிது எண்ணெய் விட்டு காய்ந்ததும் அதில் 1/4 குழிக்கு மாவு ஊற்றி அதில் தேவையான அளவு பன்னீர் மசாலா வைக்கவும். பின்னர் அதன் மேல் சிறிது மாவு ஊற்றி நன்றாக வேக விடவும்.

இரு புறமும் பொன்னிறமாக வெந்ததும் எடுக்கவும்.சூடான சுவையான பன்னீர் ஸ்டப்பிங் பணியாரம் ரெடி. குட்டீஸ் விரும்பி சாப்பிடும் பன்னீர் ஸ்டப்பிங் பணியாரம். நன்றி. ஹேமலதா கதிர்வேல்.