முதலில் ஒரு குக்கரில் அரை இன்ச் அளவு உப்பு சேர்த்துக் கொள்ள வேண்டும். கேஸ்கட் போடாமல் குக்கரை மூடி வைத்து மிதமான தீயில் 20 நிமிடங்கள் வைக்க வேண்டும். (ப்ரீ ஹீட் முறை)

ஒரு பவுலில் முட்டை சேர்த்து நன்கு நுரை வர பீட்டரால் அடித்துக் கொள்ள வேண்டும். பிறகு சர்க்கரை சேர்த்து சர்க்கரை கரையும் வரை நன்கு கலந்து கொள்ளவும்.

அதன் பிறகு உருக்கிய வெண்ணெய் சேர்த்து நன்கு கலந்து கொள்ளவும். மற்றொரு பவுலில் வாழைப்பழத்தை சேர்த்து நன்கு பிசைந்து கொள்ள வேண்டும்.

வாழைப்பழத்தை முட்டை கலவையுடன் சேர்த்து நன்கு கலந்து கொள்ள வேண்டும்.

ஒரு சல்லடையில் மைதா, மாவு, பேக்கிங் பவுடர், பேக்கிங் சோடா சேர்த்துக் கொள்ள வேண்டும்.

அதனுடன் உப்பு சேர்த்து நன்கு சலித்துக் கொள்ள வேண்டும். முட்டை கலவையுடன் மாவை நன்கு கலந்து கொள்ள வேண்டும்.

கலந்த மாவுடன் வெனிலா எசன்ஸ் சேர்த்து நன்கு கலந்து கொள்ளவும்.

ஒரு கேக் பானில் வெண்ணெய் தடவி சிறிது மைதா மாவை தூவி பேன் முழுவதும் படும்படி தடவிக் கொள்ள வேண்டும். பிறகு மாவு கலவையை கேக் பானில் சேர்த்துக்கொள்ள வேண்டும்.

இப்பொழுது பிரீ ஹிட் செய்த குக்கரை திறந்து ஒரு ஸ்டாண்ட் அல்லது ஒரு கிண்ணம் வைத்து அதன்மேல் கேக் பானை வைத்து கேஸ் கட் போட்டு விசில் போடாமல் மூடி வைக்க வேண்டும்.

40 - 45 நிமிடங்கள் மிதமான தீயில் வைக்க வேண்டும். பிறகு குக்கரை திறந்து கேக் வெந்து உள்ளதா என்று ஒரு டூத் பிக் கை வைத்து செக் செய்து பார்க்க வேண்டும். கேக் மாவு ஒட்டாமல் வந்தால் கேக் வெந்து விட்டது என்று அர்த்தம்.

குக்கரில் இருந்து வெளியே எடுத்து பத்து நிமிடங்கள் ஆற விட வேண்டும். 10 நிமிடங்கள் கழித்து ஒரு பிளேட் டை பேன் மேல்வைத்து கவுத்திவிடவேண்டும் இப்பொழுது பேனை தனியாக எடுத்தாள் கேக் ஒட்டாமல் வந்துவிடும்.