காலிஃளவரை நன்கு கழுவி, துருவி, சூடான நீரில் போட்டு ஐந்து நிமிடங்கள் வைத்து விட்டு, வடித்து விடவும்.

கடாயை ஸ்டவ்வில் வைத்து எண்ணை ஊற்றி சூடானதும் சீரகம், நறுக்கிய வெங்காயம், மிளகாய், மல்லி சேர்த்து வதக்கி, பின் துருவிய காலிஃளவர், சேர்த்து நன்கு வதக்கி உப்பு சேர்த்து ஐந்து நிமிடங்கள் மூடி வைக்கவும்.

அந்த சமயம் சப்பாத்தி தேய்க்கும் கல்லில், மாவை வைத்து சப்பாத்தி போல் ரோல் செய்யவும்.

பின் அதில் தயாராக உள்ள கோபி மசாலாவை வைத்து மூடி பரோட்டா தேய்க்கவும்.

பின் தேய்த்த பரோட்டாவை தோசை தவாவை சூடு செய்து அதன்மேல் போட்டு, வெந்ததும் திருப்பி போட்டு மிதமான சூட்டில் வைத்து வெந்ததும், நெய் தடவி இறக்கினால் கோதுமை கோபி பரோட்டா சுவைக்க தயார்.