கடாயில் எண்ணெய் ஊற்றி எண்ணெய் காய்ந்ததும் வெங்காயத்தை பொன்னிறமாக பொரித்து எடுக்கவும்

அதே எண்ணெயில் முந்திரியைப் பொன்னிறமாக பொரித்தெடுக்கவும்

பிரியாணி மசாலாவிற்கு கொடுக்கப்பட்டுள்ள பொருட்களை மிக்ஸியில் தூளாக அரைத்துக் கொள்ளவும்

மிக்ஸியில் பூண்டு, பச்சை மிளகாய், இஞ்சியை கரகரப்பாக அரைத்துக் கொள்ளவும்

சீரக சம்பா அரிசியை 20 நிமிடம் ஊறவைக்கவும் பிறகு ஒரு கடாயில் 5 கப் தண்ணீர் உப்பு, பச்சைமிளகாய், பட்டை, லவங்கம், ஏலக்காய் சேர்த்து கொதிக்கவைக்கவும் பிறகு ஊற வைத்த அரிசியை சேர்த்து முக்கால் பதத்திற்கு வேக வைக்கவும் (அரிசியை தொட்டுப் பார்த்தால் சற்று விதையாகவும் வெந்தும் இருக்க வேண்டும்) பிறகு அரிசியை தண்ணீர் இல்லாமல் வடிகட்டி எடுத்துக் கொள்ளவும்

கடாயில் எண்ணெய் ஊற்றி நறுக்கிய வெங்காயம் சேர்த்து நன்றாக வதக்கவும் பிறகு கரகரப்பாக அரைத்த இஞ்சி, பூண்டு, பச்சைமிளகாய் விழுதை சேர்த்து பச்சை வாசனை போக வதக்கி சிக்கனை சேர்க்கவும்

இதனுடன் அரைத்து வைத்த பிரியாணி மசாலா மஞ்சள் தூள் சேர்த்து 5 நிமிடம் மிதமான தீயில் வதக்கவும் பிறகு தக்காளி சேர்த்து தக்காளி மசியும் வரை மிதமான தீயில் வதக்கவும்

பிறகு இதில் கெட்டித் தயிர் உப்பு சேர்த்து 5 நிமிடம் நன்றாக வதக்கி குறைந்த தீயில் மூடி வைத்து சிக்கனை முக்கால் பதத்திற்கு வேக வைக்கவும்

சிக்கன் முக்கால் பதம் வெந்த பிறகு இதில் நறுக்கிய புதினா கொத்தமல்லி இலை சேர்க்கவும் பிறகு வேக வைத்த அரிசியை இதன்மேல் சேர்க்கவும்

அரிசியின் மேல் நறுக்கிய புதினா கொத்தமல்லி, பொரித்து வைத்த வெங்காயம், முந்திரி சிறிது நெய் சேர்த்து காற்று புகாதவாறு பாயில் சீட்டால் மேலே மூடி, மூடி போட்டு வைக்கவும்... தோசை சட்டியை சூடு செய்து குறைந்த தீயில் வைத்து தோசை சட்டியின் மேல் பிரியாணி பாத்திரத்தை 20 நிமிடம் வைக்கவும்

20 நிமிடம் கழித்து அடுப்பை அணைத்து 10 நிமிடம் கழித்து மெதுவாகத் திறக்கவும் இப்போது மேலே உள்ள அரிசியை தனியாகவும் சிக்கனை தனியாக பிரித்து வைக்கவும்(படத்தில் காட்டியவாறு)

பரிமாறும்போது தட்டில் முதலில் சிக்கனை வைக்கவும் பிறகு அதன் மேல் அரிசியை வைத்து நன்றாக மூடவும்

பரிமாறும் பொழுது பொரித்த வெங்காயம் முந்திரியை தூவி பரிமாறவும்

தலசேரி பிரியாணி தாயார் இதை நீங்களும் வீட்டில் செய்து பார்த்து அசத்துங்கள்