ஒரு பௌலில் மாவுகளை எடுத்து வைக்கவும். வெங்காயம், மிளகாய், கறிவேப்பிலை, எண்ணை எடுத்து தயாராக வைக்கவும்.

வெங்காயம், பச்சை மிளகாய், கறிவேப்பிலையை பொடியாக நறுக்கி வைக்கவும்.

பௌலில் வைத்துள்ள மாவில், மிளகாய் தூள், பெருங்காயத்தூள், உப்பு, நறுக்கி வைத்துள்ள பொருட்களை சேர்த்து, சூடான எண்ணை கலந்து பத்து நிமிடங்கள் மூடிவைக்கவும்.

பின்னர் எடுத்து கொஞ்சம் கொஞ்சமாக தண்ணீர் கலந்து கெட்டியாக மாவு பிசையவும்.

ஒரு அலுமினியம் சீட்டில் கொஞ்சம் எண்ணை தடவி, பிசைந்து வைத்துள்ள மாவை ஒரு நிமிடம் நன்கு பிசைந்து, ஒரு பெரிய எலுமிச்சை அளவு உருண்டைகளாக உருட்டி, வடை போல் விரல்கள் வைத்து தட்டில், ஓரளவு திக்காக தட்டில் வைக்கவும்.

வாணலியை ஸ்டவ்வில் வைத்து சூடானதும், பொறிக்கத் தேவையான அளவு எண்ணை ஊற்றி, சூடானதும் தட்டி வைத்துள்ள வடையை போட்டு, ஒரு புறம் பொரிந்ததும், திருப்பிப் போட்டு மறுபுறம் கோல்டன் பிரவுன் ஆனதும் எடுக்கவும்.

இரண்டு அல்லது மூன்று வடைகளாக எண்ணெயில் போட்டு பொரித்தெடுக்கவும். இப்போது சுவையான கர்நாடகா மத்தூர் வடா சுவைக்கத்தயார்.