அவல் முறுக்கு (Aval murukku recipe in tamil)

அகலமான பாத்திரத்தில் அரிசி மாவு சலித்து எடுத்து கொள்ளவும்.அவலை மிக்ஸியில் சேர்த்து பவுடராக அரைத்து எடுத்து சல்லடையில் சலித்து அரிசி மாவுடன் சேர்த்து கொள்ளவும்.

பிறகு பொட்டுக்கடலையை மிக்ஸியில் அரைத்து பவுடராக்கி சல்லடையில் சலித்து இந்த மாவில் சேர்க்கவும்.

இதில் உப்பு, பெருங்காயத்தூள், மிளகாய் தூள், எள், சீரகம் சேர்த்து கலந்து விடவும். பிறகு 2 டேபிள் ஸ்பூன் எண்ணெய் சூடு செய்து இதில் ஊற்றி கொள்ளவும்.

கை வைத்து மாவு ஒன்று சேர்ந்து வருமாறு கலந்து விட்டு தண்ணீர் கொஞ்சம் கொஞ்சமாக சேர்த்து மாவு சேர்த்து பிசைந்து கொள்ளவும். பிறகு மாவு காயாமல் இருக்க ஈர துணியால் மூடி வைத்து கொள்ளவும்.

முறுக்கு குழலில் உட்புறமாக எண்ணெய் தடவி வைக்கவும். சிறிதளவு மாவை எடுத்து குழலில் உட்புறம் வைத்து மூடி வைக்கவும்.

அடுப்பில் வாணலியில் எண்ணெய் ஊற்றி காய்ந்ததும் அடுப்பை மிதமான தீயில் வைத்து கொள்ளவும்.இரண்டு கரண்டியில் எண்ணெய் தடவி முறுக்கு பிழிந்து எடுத்து எண்ணெயில் போட்டு கொள்ளவும்.

முறுக்கு வெந்து வரும் போது எண்ணெய் சலசலப்பு சத்தம் இல்லாமல் இருக்கும் அப்போது முறுக்கு எடுத்து கொள்ளவும்.முறுக்கு சூடு தணிந்த பின் டப்பாவில் எடுத்து வைக்கவும். அவல் முறுக்கு தயார். நன்றி