பூரணம் தயாரித்துக்கொள்ள ஒரு கடாயில் நெய் சேர்த்து சூடானதும், நறுக்கிய பாதாம் மற்றும் முந்திரி சேர்க்கவும்.

அதனோடு துருவிய தேங்காய் சேர்த்து நன்கு வறுத்துக் கொள்ளவும். தேங்காய் நன்கு வறுப்பதால் பலகாரம் சில நாட்கள் வரை கெடாமல் இருக்கும். இந்தக் கலவையை நன்கு ஆறவைக்கவும்.

அதனை ஒரு தட்டில் மாற்றிக்கொண்டு அதே கடாயில் எடுத்து வைத்துள்ள கோவாவை சேர்த்து நன்கு வறுத்துக் கொள்ளவும். கோவா இலகிவிடும் இதனை ஒரு தட்டில் ஆற விடவும்.

மேல்மாவு தயாரிக்க 2 கப் மைதா மாவுடன் உப்பு மற்றும் நெய் சேர்த்து கொள்ளவும்.

இதனை இரண்டு கைகளைக் கொண்டு லேசாக தேய்த்துக் கொள்ளவும். முழுமையாக தேய்த்த பின் மாவு பதத்தை சரிபார்க்க கொழுக்கட்டை பிடித்து பார்க்கவும்.

இப்போது அரை கப் தண்ணீர் சிறிது சிறிதாக சேர்த்து மாவை மிகவும் அழுத்தம் இல்லாமல் பிசைந்து கொள்ளவும். இறுதியில் எனக்கு 1 மேஜைக்கரண்டி தண்ணீர் மீதம் இருக்கிறது.

பிசைந்த மாவை ஒரு கிண்ணத்தில் மாற்றி எண்ணெய் தடவி 15 நிமிடங்கள் மூடி வைக்கவும்.

இப்போது ஒரு தட்டில் ஆரிய தேங்காய் கலவையுடன் பொடித்த சர்க்கரை மற்றும் ஏலக்காய் தூள் சேர்க்கவும்.

அதன்பின் ஆறிய கோவாவை சேர்த்து நன்கு பிசைந்து பூரணத்தை தயார் செய்து கொள்ளவும்.

பாகு தயாரிக்க ஒரு பாத்திரத்தில் சர்க்கரை மற்றும் தண்ணீர் சேர்க்கவும்.இதனோடு குங்குமப்பூ சேர்த்து கொதிக்க விடவும்.

கூடவே பொடித்த பிஸ்தா, ஏலக்காய் தூள் மற்றும் எலுமிச்சை சாறு சேர்க்கவும். எலுமிச்சைசாறு சேர்ப்பதனால் பாகு பனிப்பூக்காமல் இருக்கும்.

இப்போது பிசைந்து வைத்த மாவை 3 mm திக்னஸ் இல் தேய்த்துக் கொள்ளவும். வட்டமான குக்கி கட்டர் வைத்து வெட்டிக் கொள்ளவும். இடையே உள்ள மாவை சுருட்டி எடுத்து மீண்டும் தேய்த்துக் கொள்ளலாம்.

இப்போது வெட்டி எடுத்த ஒரு வட்டத்தை எடுத்து 2 மேஜைக்கரண்டி அளவு பூரணத்தை நடுவில் வைத்து ஓரங்களில் தண்ணீர் தடவி மடக்கி நன்கு ஒட்டி விடவும். படத்தில் காட்டியுள்ளபடி ஓரங்களை சுருட்டி சுருட்டி மடித்து விடவும்.

இவ்வாறு அனைத்தையும் தயார் செய்து கொள்ளவும்.

பொரிக்க கடாயில் எண்ணெய் சூடுபடுத்தவும். ஒரு உருண்டை மாவை எண்ணெயில் போட்டால் மெதுவாக பொரிந்து மேலே வர வேண்டும்‌ அந்த அளவிற்கு எண்ணெய் மிதமான சூட்டில் இருக்க வேண்டும். அப்பொழுதுதான் பலகாரத்தின் மேல் மாவு நன்கு வெந்து வரும்.

தயாரித்த சந்திரகலா அனைத்தையும் நான் இங்கு இரண்டு பங்காக பிரித்து எண்ணெயில் போட்டு இரண்டு பக்கமும் திருப்பி போட்டு பொரித்து உள்ளேன்.

பொன்னிறமாக பொரிந்த பின் ஒரு வடிகட்டியில் எடுத்து விடவும் மிதமான சூடுள்ள சர்க்கரை பாகில் சேர்க்க வேண்டும். பலகாரத்தை சூடாக பாகில் சேர்க்க வேண்டும்.

சர்க்கரைப் பாகில் ஒரு பக்கம் இரண்டு நிமிடமும், திருப்பிப் போட்டு மறுபக்கம் இரண்டு நிமிடம் ஊற விடவும். அதிகமான நேரம் ஊறவிடவேண்டும் ஊறிய பலகாரத்தை ஒரு தட்டில் எடுத்துக் கொள்ளவும்.

அவ்வளவு தான் மிகவும் சுவையான தீபாவளி பலகாரம் சந்திரகலா நாம் எளிய முறையில் தயார் செய்துவிட்டோம். எனக்கு இங்கு 22 சந்திரகலா கிடைத்துள்ளது.