கம்பு தானியத்தை இரண்டு முறை கழுவி தண்ணீர் ஊற்றி எட்டு மணி நேரம் வரை ஊறவிடவும் பின் தண்ணீரை வடிகட்டி சுத்தமான மஸ்லின் துணியில் போட்டு கட்டி ஒரு நாள் முழுவதும் வைக்கவும் மறுநாள் நன்றாக முளை கட்டி இருக்கும்

பின் அதை மிக்ஸியில் போட்டு பவுடராக்கவும் கம்பு நன்கு சத்தானது மற்றும் குளிர்ச்சியானது இதில் முளைக்கட்டி பயன்படுத்துவது வளரும் குழந்தைகளுக்கு இன்னும் நல்லது ஆரோக்கியமானது

பட்டாணி ஐ எட்டு மணி நேரம் வரை ஊறவிடவும் பின் தண்ணீரை வடிகட்டி சுத்தமான மஸ்லின் துணியில் கட்டி இரவு முழுவதும் வைக்கவும் மறுநாள் இதுவும் நன்றாக முளை கட்டி இருக்கும் இதை மிக்ஸியில் போட்டு கரகரப்பாக அரைத்து எடுக்கவும்

இப்போது அரைத்த கம்பு மாவு பட்டாணி விழுது உடன் இஞ்சி பூண்டு விழுது பச்சைமிளகாய் விழுது பொடியாக நறுக்கிய வெங்காயம் நரம்பு நீக்கி சுத்தம் செய்து நறுக்கிய வாழைப்பூ சேர்க்கவும்

பின் கோதுமை ப்ரட் க்ரம்ஸ் கடலைமாவு உப்பு மிளகாய்த்தூள் பெருங்காயத்தூள் கரம் மசாலா தூள் சோம்பு தூள் தயிர் எல்லாம் சேர்த்து நன்கு பிசைந்து கொள்ளவும்

பின் சின்ன சின்ன உருண்டைகளாக உருட்டி கொள்ளவும் பின் அதை வடை போல் தட்டி சூடான எண்ணெயில் போட்டு வேகவிடவும்

இரண்டு புறமும் திருப்பி போட்டு நன்கு வேகவிட்டு பொன்னிறமாக பொரித்து எடுக்கவும்

சுவையான ஆரோக்கியமான கம்பு வாழைப்பூ வடை ரெடி