பச்சரிசி கழுவி காய வைத்து மற்றும் உளுந்தை சிறிது வாசம் வரும் வரை வறுத்து இரண்டையும் மாவு மிஷினில் கொடுத்து அரைத்துக் கொள்ளவும்.இதனை தேவையான அளவு மாவை மட்டும் எடுத்து கொண்டு சிறிது இளம் சூட்டோடு உள்ள வெண்ணெய் சீரகம் மற்றும் கால் டம்ளர் தண்ணீரில் பெருங்காயத் தூள் மற்றும் தேவையான அளவு உப்பு சேர்த்து நன்கு கலந்து பிடித்தாள் பிடிக்கவும் உதிர்த்தால் உதிரியாக இருந்தல் நல்லது இத்தோடு தேவையான அளவு தண்ணீர் ஊற்றி படத்தில் காட்டியவாறு பிசைந்து கொள்ளவும்.

இப்போது ஒரு தட்டில் வெள்ளை துணி விரித்து அதன் மேல் முறுக்களாக பிழிந்து கொண்டு எண்ணெய் சூடாக்கி மிதமான சூட்டில் முறுக்குகளை வேக வைத்துக் கொள்ளவும்.

ஒரு கடாயில் தேவையான அளவு எண்ணெய் ஊற்றி பிழிந்து வைத்துள்ள முறுக்குகளை எண்ணெயில் போட்டு இருபுறமும் சிறிது இளம் சிவப்பாக பொரித்து எடுத்தால் சுவையான உளுந்து மணத்துடன் உளுந்து முறுக்கு தயார்.

குறிப்பு :-பச்சரிசியை நன்கு கழுவி தண்ணீர் ஊற்றி அரைமணி நேரம் ஊற விட்டு தண்ணீரை வடித்து வெள்ளை துணியை விரித்து ஃபேன் காற்றில் நன்கு ஆறவிடவும்.உளுந்தை ஒரு வெறும் வாணலியில் போட்டு சிறிது வாசம் வரும் வரை வறுத்துக் கொள்ளவும். அரிசியையும் உளுந்தையும் சேர்த்து மாவு மிஷினில் கொடுத்து நைஸ் பவுடராக அரைத்து எடுத்துக் கொள்ளவும்.