மேகி நூடுல்ஸ் கோப்தா. (Maggie noodles kofta recipe in tamil)

ஒரு கடாயில் தண்ணீர் ஊற்றி,1 ஸ்பூன் நெய் சேர்த்து,நூடுல்ஸை போட்டு 5 நிமிடம் வேகவைத்து எடுத்து,அதை குளிர்ந்த நீரில் முழ்கி எடுத்து தனியே வடிகட்டி கொள்ளவும்.

நூடுல்ஸை அகலமான பாத்திரத்தில் சேர்த்து, மஞ்சள் தூள், மிளகாய் தூள், கரம்மசாலா தூள்,கடலை மாவு, அரிசி மாவு, கொத்தமல்லி தழை, இஞ்சி பூண்டு விழுது, உப்பு சேர்த்து நன்கு கலந்து விடவும்.

பின்னர் அதனை சிறு சிறு உருண்டைகளாக உருட்டி கொள்ளவும். அதனை எண்ணெயில் பொரித்து எடுக்கவும்.

பின்னர் ஒரு வாணலியில் எண்ணெய் ஊற்றி பிரியாணி இலை, பட்டை,லவங்கம், ஏலக்காய், சோம்பு, சீரகம் சேர்த்து வதக்கவும். பின் அரைத்த வெங்காயம் விழுதை சேர்த்து வதக்கவும்.

நறுக்கிய பச்சை மிளகாய் சேர்த்து, இஞ்சி பூண்டு விழுது சேர்த்து மஞ்சள் தூள், மிளகாய் தூள், கரம்மசாலா தூள் சேர்த்து வதக்கவும்.

பின்னர் அரைத்த தக்காளி விழுதை சேர்த்து பச்சை வாசனை போக வதக்கவும், பின்னர் அரைத்து வைத்த முந்திரி, பாதாம் பேஸ்ட் சேர்த்து, 2 டம்ளர் சுடுநீர் விட்டு கொதிக்க விடவும்.

நன்கு கொதித்தவுடன், கோப்தா உருண்டைகளை சேர்த்து, 5நிமிடம் கொதிக்க விடவும். பின்னர் கொத்தமல்லி தழை தூவி பரிமாறவும்.