நூடுல்ஸை சுடு தண்ணீர் விட்டு வேகவைத்து எடுக்கவும், பின் அதனை குளிர்ந்த நீரில் மூழ்கி வடிகட்டி எடுத்து கொள்ளவும். அதில் சிறிது எண்ணெய் விட்டு கலந்து வைக்கவும்.

ஒரு வாணலியில் நெய், எண்ணெய் விட்டு பிரியாணி இலை, பட்டை, லவங்கம், ஏலக்காய் சேர்த்து நீளவாக்கில் நறுக்கிய பச்சை மிளகாய், வெங்காயத்தை போட்டு வதக்கவும்.

இஞ்சி பூண்டு பேஸ்ட் சேர்த்து, பின் நறுக்கிய தக்காளி சேர்த்து வதக்கவும். காய்கறிகள் சேர்க்கவும். பின் கொத்தமல்லி, புதினா இலைகளை சேர்த்து வதக்கவும்.

பின்னர் மிளகாய் தூள், மஞ்சள் தூள், பிரியாணி மசாலா, கரம்மசாலா தூள் சேர்த்து வதக்கி, சிறிது தயிர் சேர்த்து நன்கு வதக்கவும். காய்கறிகளை நன்கு வேக விடவும்.

பின் காய்கறிகள் வெந்ததும், ஏற்கனவே வேகவைத்த நூடுல்ஸை சேர்க்கவும்.

நூடுல்ஸை சேர்த்து நன்கு கலந்து விடவும். இறக்கும்போது சிறிது நெய் விட்டு, கொத்தமல்லி இலை தூவி பரிமாறவும்.