ஒரு பாத்திரத்தில் சேப்பங்கிழங்கை தண்ணீர் சேர்த்து பாதி வேகைவத்து தோலை உரித்து இரண்டாக நறுக்கிக் கொள்ளவும்.

ஒரு குக்கரில் எண்ணெய் சேர்த்து அதனுடன் மட்டன், மஞ்சள் தூள் மற்றும் இஞ்சி-பூண்டு விழுது சேர்த்துக் கொள்ள வேண்டும்.

மிக்ஸி ஜாரில் வெங்காயம் மற்றும் சீரகம் சேர்த்து அரைத்து மட்டனில் சேர்த்துக்கொள்ள வேண்டும். பிறகு குக்கரை மூடி இரண்டு விசில் மட்டனை வேக வைத்து எடுத்துக் கொள்ள வேண்டும்.

வேக வைத்த மட்டனை ஒரு பாத்திரத்தில் மாற்றி அதனுடன் வேகவைத்த சேப்பங்கிழங்கை சேர்த்துக் கொள்ள வேண்டும்.

பிறகு மல்லித்தூள், மிளகாய்த்தூள் மற்றும் பச்சை மிளகாய் சேர்த்துக் கொள்ள வேண்டும்.

தக்காளியை மிக்ஸியில் அடித்து சேர்த்துக் கொள்ள வேண்டும். புளி கரைசல் மற்றும் உப்பு சேர்த்துக்கொள்ளவேண்டும்.

குழம்பு பாதி கொதித்த பின் தேங்காய் விழுது சேர்த்து நன்கு கலந்து கொள்ள வேண்டும். குழம்பு நன்கு கொதித்து எண்ணெய் பிரிந்து வந்த பிறகு கொத்தமல்லி தழை தூவி இறக்க வேண்டும்.

வித்தியாசமான சுவை மிகுந்த சேப்பங்கிழங்கு கறி குழம்பு தயார்.