பாய் வீட்டு சிக்கன் பிரியாணி

முதலில் சிக்கன் உடன் மஞ்சள் தூள், உப்பு மற்றும் 1.5 டீஸ்பூன் இஞ்சி பூண்டு விழுது சேர்க்க வேண்டும்.

2 டேபிள் ஸ்பூன் தயிர் சேர்த்து நன்கு கலந்து அரைமணிநேரம் ஊறவைக்க வேண்டும்.

ஒரு குக்கரில் நெய், எண்ணெய் சேர்த்து, எண்ணெய் நன்கு காய்ந்த பிறகு நறுக்கிய பெரிய வெங்காயம் சேர்த்து நன்கு வதக்க வேண்டும். பிறகு சிறிய வெங்காயத்தை மிக்ஸியில் பேஸ்ட் போல அரைத்து அதையும் சேர்த்துக் கொள்ள வேண்டும்.

3 டேபிள் ஸ்பூன் இஞ்சி பூண்டு பேஸ்ட், கரம் மசாலா, மிளகாய் தூள் மற்றும் மல்லித் தூள் சேர்த்து நன்கு கலந்துவிட வேண்டும்.

பச்சை மிளகாய், நறுக்கிய தக்காளி மற்றும் தேவையான அளவு உப்பு சேர்த்து நன்கு வதக்க வேண்டும்.

தக்காளி நன்கு வதங்கிய பிறகு மல்லித்தழை, புதினா,75 கிராம் தயிர் மற்றும் ஊறவைத்த சிக்கனை சேர்த்து நன்கு சிக்கனை வேக விடவேண்டும்.

சிக்கன் வெந்தவுடன் தண்ணீர், எலுமிச்சை சாறு சேர்த்து தண்ணீர் நன்கு கொதித்த பிறகு 20 நிமிடங்கள் ஊற வைத்த அரிசியை சேர்க்க வேண்டும்.

முக்கால் பதம் அரிசி வெந்த பிறகு ஒரு இரும்பு தோசை தவாவை நன்கு சூடாக்கி அதன்மேல் குக்கரை எடுத்து வைத்து குக்கரை மூடி விட வேண்டும்.

குக்கரை சூடாக்கிய தோசை தவா மீது வைத்து 2 விசில் வைக்க வேண்டும். பிறகு குக்கரை திறந்து ஓரங்களில் பிரியாணியை திருப்பிவிட வேண்டும்.

சுவையாக பாய் வீட்டு சிக்கன் பிரியாணி தயார்.