பிரியாணி சட்டியில் எண்ணெய் விட்டு எண்ணெய் சூடானதும் பட்டை, லவங்கம், ஏலக்காய் சேர்க்கவும் பிறகு இதில் நறுக்கிய வெங்காயம், பச்சை மிளகாய் சேர்த்து வதக்கவும் அதன் பிறகு சின்ன வெங்காய விழுது சேர்த்து பச்சை வாசனை போக நன்றாக வதக்கவும்

இஞ்சி பூண்டு விழுது சேர்த்து பச்சை வாசனை போக வதக்கி தக்காளி சேர்த்து தக்காளி மசியும் வரை வதக்கவும் பிறகு சிக்கனை சேர்த்து மிதமான தீயில் ஐந்து நிமிடம் வதக்கவும்

சிக்கன் நன்றாக நிறம் மாறிய பிறகு இதில் மிளகாய்த்தூள்,கரம் மசாலா,மஞ்சள் தூள், சிக்கன் மசாலா, உப்பு சேர்த்து பச்சை வாசனை போக வதக்கவும் அதன் பிறகு தக்காளி பொடியாக நறுக்கிய புதினா கொத்தமல்லி இலை சேர்த்து மிதமான தீயில் 3 நிமிடம் வதக்கவும்

இப்போது குறைந்த தீயில் சிக்கனை 15 நிமிடம் வைக்கவும் தண்ணீர் விடத் தேவையில்லை குக்கரில் வைப்பதாக இருந்தால் இரண்டு டம்ளர் தண்ணீர் விட்டு மிதமான தீயில் ஒரு விசில் விடவும்

சிக்கன் முக்கால் பதம் வெந்த பிறகு இதில் தேங்காய் பால், தண்ணீர் தேவையான அளவு உப்பு சேர்த்து கொதிக்கவிடவும்

கொதித்து வரும் பொழுது ஊற வைத்த அரிசியை சேர்த்து தண்ணீர் வற்றும் வரை வைக்கவும் அடி பிடிக்காமல் இருக்க அவ்வப்போது கிளறவும் இறுதியாக நெய் பொடியாக நறுக்கிய புதினா கொத்தமல்லி இலை எலுமிச்சை சாறு சேர்க்கவும் பிறகு காற்று புகாதவாறு மூடியால் மூடி கனமான பாத்திரத்தை வைக்கவும் குறைந்த தீயில் 15 நிமிடம் வைக்கவும்

15 நிமிடம் கழித்து அடுப்பை அணைத்து பிறகு 10 நிமிடம் கழித்து மெதுவாக கிளறி விடவும்

சுவையான தேங்காய்ப்பால் சிக்கன் பிரியாணி தயார்