தேங்காய் பால் மட்டன் சால்னா

ஒரு குழி கரண்டி நல்லெண்ணெய் சேர்த்து அதனுடன் மட்டன் சேர்த்து 2 நிமிடங்கள் வதக்கவும். பிறகு மஞ்சள்தூள் மற்றும் இஞ்சி-பூண்டு விழுது சேர்க்கவேண்டும்.

பிறகு உப்பு மற்றும் தண்ணீர் சேர்த்து குக்கரை மூடி 3 விசில் வைத்து கொள்ள வேண்டும்.

அதன் பிறகு ஒரு குழம்பு சட்டியில் ஒரு குழி கரண்டி நல்லெண்ணெய் சேர்த்து எண்ணெய் சூடாக்கிய பின் சோம்பு சேர்க்க வேண்டும். பிறகு கறிவேப்பிலை, கொத்தமல்லி, புதினா மற்றும் பச்சை மிளகாய் சேர்க்கவேண்டும். நன்கு வதக்கிக் கொள்ள வேண்டும்.

சின்ன வெங்காயத்தை சின்னதாக நறுக்கி சேர்த்துக்கொள்ளவேண்டும். அதனுடன் தேவையான அளவு உப்பு மற்றும் தக்காளியை நறுக்கி சேர்த்துக் கொள்ள வேண்டும்.

வேக வைத்த கறி, மல்லித் தூள் மற்றும் மிளகாய் தூள் சேர்த்துக் கொள்ள வேண்டும்.

பிறகு சீரகத்தூள், சோம்பு தூள் மற்றும் கரம் மசாலா சேர்த்து கொள்ள வேண்டும்.

முந்திரியை பேஸ்ட்டாக அரைத்து சேர்த்துக் கொள்ள வேண்டும். தேவையான அளவு உப்பு சேர்த்துக் கொள்ள வேண்டும். தண்ணீர் சிறிது சேர்த்துக் கொள்ள வேண்டும்.

குழம்பு நன்கு கொதித்து எண்ணெய் பிரிந்து வந்தவுடன் தேங்காய்ப்பால் சேர்த்துக் கொள்ள வேண்டும். தேங்காய்ப்பால் குழம்பு நன்கு சேர்ந்து கொதித்த பிறகு மல்லித்தழை தூவி இறக்க வேண்டும்.

இந்த சுவையான தேங்காய்பால் மட்டன் குழம்பு நெய் சோறு, பிரியாணி, இட்லி, தோசை, பரோட்டா மற்றும் சப்பாத்திக்கு ஏற்றதாக இருக்கும்.