1 கப் பாஸ்மதி அரிசியை கழுவி தண்ணீரில் 15 நிமிடம் ஊற வைக்கவும்.2 உருளைக் கிழங்கை தோல் நீக்கி கட்டமாக நறுக்கி வைக்கவும்.

1 கப் பச்சை பட்டாணியை கழுவி எடுத்து வைக்கவும். 2 பச்சை மிளகாய், 1 பெரிய வெங்காயம் நீளவாக்கில் மெலிதாக நறுக்கி வைக்கவும். 1 டீஸ்பூன் இஞ்சி பூண்டு விழுது, 2 கிராம்பு, 1 துண்டு பட்டை, 1 பிரிஞ்சி இலை, 1 ஏலக்காய், 6 உடைத்த முந்திரி எடுத்து வைக்கவும்.

குக்கரில் 2 டீஸ்பூன் நெய், 2 டீஸ்பூன் ஆயில் விட்டு எடுத்து வைத்த பட்டை, கிராம்பு, ஏலக்காய், பிரிஞ்சி இலை, இஞ்சி பூண்டு விழுது, முந்திரி சேர்த்து வதக்கி, நறுக்கிய வெங்காயம், பச்சை மிளகாய் சேர்த்து பொன்னிறமாக வதக்கவும். அதனுடன் பச்சை பட்டாணி நறுக்கி வைத்த உருளைக் கிழங்கை சேர்த்து வதக்கி விடவும்.

ஊற வைத்த பாஸ்மதி அரிசியை சேர்த்து ஒரு நிமிடம் வதக்கவும். மிக்ஸி ஜாரில் 1/4 கப் துருவிய தேங்காயுடன் தண்ணீர் விட்டு தேங்காய்ப் பால் 1 கப் எடுத்து வைக்கவும்.

தேங்காய்பால் 1 கப், 1 கப் தண்ணீர், உப்பு சேர்த்து 3 விசில் குக்கரில் வேகவிடவும்.

உருளைக்கிழங்கு பட்டாணி சாதம் ரெடி.😋😋குழந்தைகளுக்கு மிகவும் பிடிக்கும்.சத்தானது. சுவையானது.