தூதுவளை இலையை முள் இல்லாமல் ஆய்ந்து வைத்துக்கொள்ளவும். புளியை கரைத்து, தக்காளி சேர்த்து பிழிந்து எடுத்து கொள்ளவும்.

வாணலியில் எண்ணெய் விட்டு தூதுவளை இலையை வதக்கி, கொர கொரன்னு நசுக்கி எடுத்து கொள்ளவும்.

மிளகு,பூண்டு, சீரகம் மூன்றையும் தட்டி எடுத்து கொள்ளவும். புளி, தக்காளி கரைசலில் நசுக்கிய பூண்டு, மிளகு, சீரகத்தை சேர்க்கவும்.

அதே கரைசலில், கொத்தமல்லி, மஞ்சள் தூள், உப்பு சேர்த்து நன்கு கரைத்து கொள்ளவும்.

ஒரு வாணலியில் எண்ணெய் விட்டு கடுகு தாளித்து, பச்சை மிளகாய், காய்ந்த மிளகாயை கீறி சேர்க்கவும். பின் வதக்கி நசுக்கிய தூதுவளை இலையை போட்டு, புளி கரைசலை சேர்த்து ஊற்றவும்.

எல்லாம் சேர்த்து ஒன்றி கூடி நுரை வரும் போது அடுப்பை அணைத்து, வேற பாத்திரத்தில் ஊற்றி பரிமாறவும்.