பச்சை மிளகாய், கொத்தமல்லியை, வெங்காயத்தை பொடியாக நறுக்கவும்.

ஒரு வாணலியில் எண்ணெய் விட்டு கடுகு தாளித்து, பச்சை மிளகாய், வெங்காயம், கொத்தமல்லி சேர்த்து வதக்கவும். பின் அதில் முட்டையை உடைத்து ஊற்றி, உப்பு, மஞ்சள் தூள், மிளகு தூள் சேர்த்து பொடியாக பொரித்து எடுக்கவும்.

அப்பளத்தை நீரில் மூழ்கி எடுக்கவும். தனியாக மைதா மாவை கரைத்து கொள்ளவும்.

அப்பளத்தின் ஓரங்களில் மைதாமாவை தடவிக் கொள்ளவும். அப்பளத்தின் நடுவில் முட்டை கலவையை வைத்து, அப்பளத்தை இரண்டாக மடித்து ஒட்டவும்.

நன்றாக ஒட்டிய பின், எண்ணெய்யில் போட்டு பொரித்து எடுக்கவும்.