முதலில் மைதா மாவையும் உப்பையும் சேர்த்து நன்றாக கலந்து கொள்ளவும், பிறகு அதில் கிணறு வடிவத்தில் செய்துகொண்டு அதில் அடித்து வைத்த முட்டையை ஊற்றவும்.

முட்டையையும் மாவையும் நன்றாக கலந்து கொள்ளவும் பிறகு அதை சப்பாத்தி மாவு பதத்திற்கு தண்ணீர் ஊற்றி பிசைந்து கொள்ள வேண்டும்.பிறகு அதை நன்றாக திரட்டி வெட்டி உங்களுக்குப் பிடித்த மாதிரி உருவங்களில் வடிவமைத்துக் கொள்ளவும்.

வடிவமைத்த உருவங்களை சுடு தண்ணீரில் போட்டு கொதிக்க வைக்க வேண்டும்.

அது கொதிக்கும் நேரத்தில் ஒரு கடாய் சட்டியில் எண்ணெய் ஊற்றி அதில் வெங்காயத்தைப் போட்டு நன்கு வதக்கவும் வெங்காயம் வதங்கிய பின்னர் அதில் தக்காளி சேர்த்து நன்கு வதக்கவும். தக்காளி மற்றும் வெங்காயம் வெந்தவுடன் அதில் இஞ்சி பூண்டு விழுது, உப்பு, கரம் மசாலா, தக்காளி சாஸ் மிளகாய் பொடி சேர்த்து நன்று வதக்கவும். வதக்கிய பின்னர் அதில் பாஸ்தாவை போட்டு நன்கு கிளறிக் கொள்ளவும்.

அவ்வளவு தான் ருசியான ஹோம் மேட் ஸ்பைசி பாஸ்தா தயார். நீங்களும் செஞ்சு பாருங்க.