முதலில் செய்ய தேவையான பொருட்கள் அனைத்தையும் தயாராக எடுத்து வைத்துக் கொள்ளவும். வாழைப் பழத்தை சிறு துண்டுகளாக்கி மிக்ஸியில் போட்டு அரைத்து வைத்துக் கொள்ளவும். ஒரு பாத்திரத்தில் எடுத்து வைத்துள்ள கோதுமை மாவு கரும்பு சக்கரை பேக்கிங் பவுடர் பேக்கிங் சோடா ஒரு பின்ச் உப்பு மற்றும் அரைத்து வைத்த வாழைப்பழம் கலவையை சேர்த்துக் கொள்ளவும்.

பின்னர் இந்த கலவையை நன்றாக கலந்து விட்டு தேவையான அளவு பால் சேர்த்து இட்லி மாவை விட திக்கான பதத்திற்கு கரைத்து வைத்துக் கொள்ளவும். கேக் மாவு பதத்திற்கு கலந்து கொள்ளவும். ஒரு பேனை அடுப்பில் வைத்து சூடானதும் அதில் ஒரு கரண்டி கலந்து வைத்துள்ள மாவை ஊற்றி ஊத்தாப்பம் போல ஊற்றி மிதமான தீயில் வைத்து மூடி போட்டு வேக விடவும். ஒரு இரண்டு நிமிடம் வேக விட்டால் போதுமானது.

பின்னர் அதை திருப்பி போட்டு மீண்டும் ஒரு நிமிடம் மட்டும் வேகவிட்டு எடுக்கவும். இப்போது மிகவும் மிருதுவான செவ்வாழைப்பழம் கோதுமைமாவு கரும்பு சர்க்கரை ஆகிய ஆரோக்கியம் நிறைந்த பொருட்கள் சேர்த்த பனானா பேன் கேக் தயார்.தேவையெனில் சிறிது தேன் சேர்த்து கூட சாப்பிடலாம்.சுவை நன்றாக இருக்கும். நன்றி.ஹேமலதா கதிர்வேல்.