2 கப் இட்லி அரிசியை 4 மணி நேரம் ஊற வைத்து கிரைண்டரில் கொர கொரப்பாக அரைத்து எடுத்து வைக்கவும். அதனுடன் 1 கப் துருவிய தேங்காய், உப்பு சேர்த்து நைசாக அரைத்து, அரைத்த அரிசி மாவுடன் கலந்து விடவும்.

1 பெரிய கேரட் தோல்நீக்கி கழுவி, துருவி வைக்கவும். 8 பீன்ஸை பொடியாக நறுக்கி வைக்கவும். 1 கப் பச்சை பட்டாணியை எடுத்து வைக்கவும். கடாயில் 2 டேபிள்ஸ்பூன் ஆயில் விட்டு 1 டீஸ்பூன் கடுகு, 1 டேபிள் ஸ்பூன் உளுந்து பருப்பு, 1 டேபிள்ஸ்பூன் கடலை பருப்பை பொன்னிறமாக தாளித்து விடவும்.

அதனுடன் 10 வரமிளகாய் கிள்ளியது, சிறிது கறிவேப்பிலை,1/2 டீஸ்பூன் பெருங்காயம் சேர்த்து வணக்கி, துருவிய கேரட், பீன்ஸ் பச்சைப் பட்டாணி, சேர்த்து நன்கு வதக்கி விடவும். உப்பு சிறிது சேர்த்து நன்கு கலக்கி தனியாக எடுத்து வைக்கவும். கடாயில் 2 டேபிள்ஸ்பூன் ஆயில் விட்டு அரைத்த மாவை சேர்த்து விடவும்.

நன்கு வணக்கி விடவும். மாவு கையில் ஒட்டாமல் வரும்பொழுது வதக்கி வைத்த காய்கறி கலவையை சேர்த்து நன்கு கலக்கி வணங்கி விடவும்.

நன்கு வணக்கி, கையில் சிறு சிறு கொழுக்- கட்டைகளாகப் பிடித்து இட்லி பாத்திரத்தில் வைத்து ஆவியில் 8 நிமிடம் வேகவிடவும்.