முதலில் குளோப் ஜாமுன் பவுடரை ஒரு பாத்திரத்தில் கொட்டி அதில் ஒரு சிட்டிகை உப்பு,சர்க்கரை,சிறிது சிறிதாக தண்ணீர் ஊற்றி பிசைந்து கொள்ளவும். பின் அதனை சிறு உருண்டைகளாகவும் மென்மையாகவும் உருட்டி தனியாக ஒரு தட்டில் எடுத்துக் எடுத்து வைத்துக்கொள்ள வேண்டும்.

அடுத்து ஒரு பாத்திரத்தில் சர்க்கரை,தண்ணீர்,ஏலக்காய் பொடி சேர்த்து அடுப்பில் வைத்து சர்க்கரை கரையும் வரை சூடேற்ற வேண்டும்.நீரில் உள்ள சர்க்கரை முழுவதும் கரைந்து சர்க்கரைப்பாகு ஓரளவு கெட்டியாக ஆரம்பிக்கும் போது அடுப்பை அணைத்து விட வேண்டும்.அடுத்து ஒரு வாணலியை அடுப்பில் வைத்து அதில் எண்ணெய் ஊற்றி காய்ந்ததும் உருட்டி வைத்துள்ள உருண்டைகளை போட்டு பொன்னிறமாக பொரித்து தனியாக வைத்துக் கொள்ளவும்.

அனைத்து உருண்டைகளையும் பொரித்ததும் அவற்றை சர்க்கரை பாகில் சேர்த்து அரை மணி நேரம் ஊற வைக்க வேண்டும்.

இறுதியில் அந்த உருண்டைகளை எடுத்து பொடித்த சர்க்கரையில் உருட்டினால் ட்ரை குலோப் ஜாமுன் ரெடி.