முதலில் தேவையான பொருட்கள் அனைத்தையும் தயாராக எடுத்து வைத்துக் கொள்ளவும்.நன்றாக கழுவி தேவையான அளவு நறுக்கி வைத்துக்கொள்ளவும். பெரிய வெங்காயத்தை நீளவாக்கில் நறுக்கி வைத்துக் கொள்ளவும். பின்னர் ஒரு குக்கரை அடுப்பில் வைத்து நன்றாக சூடானதும் ஒரு டீஸ்பூன் எண்ணெய் 2 டீஸ்பூன் நெய் சேர்த்து காயவிடவும். அதில் பட்டை வகைகள் சேர்த்து பொரியவிடவும்.பின்னர் நீளவாக்கில் நறுக்கிய பெரிய வெங்காயம் சேர்த்து நன்றாக வதக்கவும்.கண்ணாடி பதம் வரும்வரை வதக்கினால் போதும்.பின்பு இஞ்சி பூண்டு விழுது சேர்த்து நன்றாக வதக்கவும்.

பச்சை வாசனை போகும் வரை வதக்கி பின்பு வெட்டி வைத்துள்ள மஷ்ரூம் சேர்த்து நன்றாக கலந்து கொள்ளவும் இரண்டிலிருந்து மூன்று நிமிடம் நன்றாக வேக விடவும் இவ்வாறு செய்யும்பொழுது மஷ்ரூம் இருக்கும் தண்ணீர் வெளியேறும். (இது அதிக தண்ணீர் சேர்க்காமல் சாதம் குலையாமல் வர தடுப்பதற்காக.)இப்பொழுது 20 நிமிடங்கள் ஊற வைத்துள்ள பாசுமதி அரிசியை சேர்த்து ஒரு டம்ளர் அரிசிக்கு ஒன்றரை டம்ளர் தண்ணீர் சேர்த்து நன்றாக கொதிக்கவிடவும்
இதற்கிடையில் தேவையான அளவு உப்பு சேர்த்து கொள்ளவும்.

பின்னர் உப்பு சரிபார்த்து குக்கர் மூடி போட்டு மிதமான தீயில் ஒரு விசில் விட்டு இறக்கவும்.பின்னர் விசில் அடங்கியதும் தேவைப்படின் ஒரு டீஸ்பூன் நெய் மேலே ஊற்றி கிளறி விடவும் இப்போது சுவையான மிகவும் சுலபமாக செய்யக்கூடிய மஷ்ரூம் புலாவ் தயார்.இதில் அதிகம் காரம் இல்லாததால் குழந்தைகள் முதல் பெரியவர்கள் வரை விரும்பி சாப்பிட முடியும்.நன்றி.ஹேமலதா கதிர்வேல்.