முதலில் தேவையான பொருட்கள் அனைத்தையும் தயாராக எடுத்து வைத்துக் கொள்ளவும். உருளைக்கிழங்கை வேக வைத்து எடுத்துக் கொள்ளவும்.ஒரு மிக்சியில் பொட்டு கடலை தேங்காய் பட்டை கிராம்பு பிரியாணி இலை கசகசா சோம்பு எல்லாவற்றையும் சேர்த்து நன்றாக அரைத்து வைத்துக் கொள்ளவும்.

குருமா செய்வதற்காக அடுப்பில் ஒரு கடாயை வைத்து 3 டீஸ்பூன் எண்ணெய் சேர்த்து காய்ந்ததும் அதில் ஒரு டீஸ்பூன் கடுகு சேர்த்து பொரியவிடவும் பின்னர் நீளவாக்கில் நறுக்கிய 2 பெரிய வெங்காயத்தை சேர்த்து வதக்கவும் நன்றாக வதங்கியதும் வரமிளகாய் கருவேப்பிலை சேர்த்து வதக்கி ஒரு டீஸ்பூன் இஞ்சி பூண்டு பேஸ்ட் போட்டு நன்கு வதக்கவும்.பின்னர் தக்காளியை சேர்த்து வதக்கி வேக வைத்த உருளைக்கிழங்கை மசித்து சேர்த்து நன்றாக கலந்து கொள்ளவும். மஞ்சள் தூள் சேர்த்து கலந்து கொள்ளவும்.

பின்னர் அரைத்த விழுதை கலந்து தேவையான அளவு உப்பு சேர்த்து நன்றாக கலந்து கொள்ளவும்.2 லிருந்து 3 நிமிடங்கள் கொதிக்க விட்டு சிறிதளவு கொத்தமல்லி இலை தூவி இறக்கவும். மிகவும் சுலபமாக செய்யக்கூடிய பூரி சப்பாத்தி இட்லி தோசைக்கு ஏற்ற சப்பாத்தி உருளைக்கிழங்கு குருமா ரெடி. நன்றி.ஹேமலதா கதிர்வேல்.