செட்டிநாடு கார சட்னி(Chettinadu kaara chutney recipe in tamil)

150 கிராம் வெங்காயத்தை தோல் உரித்து வைத்துக் கொள்ளவும் (ஒரு பெரிய கப் அளவிற்கு) இரண்டு மீடியம் சைஸ் பெரிய வெங்காயத்தை ஒன்றிரண்டா அரிந்து கொள்ளவும். புளி ஒரு நெல்லிக்காய் அளவு தண்ணீரில் ஊறவைத்து வைத்துக் கொள்ளவும். 5 அல்லது 6 பல் பூண்டு தோலுரித்து வைத்துக் கொள்ளவும். 3 மீடியம் சைஸ் தக்காளியை நான்காக அரிந்து கொள்ளவும். 6வரமிளகாய் எடுத்துக் கொள்ளவும். அதனுடன் நல்ல சிவப்பு நிறத்திற்கு காஷ்மீரி மிளகாய்4எடுத்து கொள்ளவும்.என்னிடம் காஹ்மீரி மி.தூள் தான் இருந்தது.அதை சேர்த்து கொண்டேன்

கல் உப்பு தேவையான அளவு எடுத்துக் கொள்ளவும். அரை ஸ்பூன் சீரகம் எடுத்துக்கொள்ளவும். மேல்கூறிய எல்லாவற்றையும் மிக்ஸியில் தண்ணீர் சேர்க்காமல் நைசாக அரைத்துக் கொள்ளவும்.

பிறகு ஒரு அடி கனமான வாணலியில் நல்லெண்ணெய் நிறைய சேர்த்துக்கொள்ளவும். காய்ந்தவுடன் அதில் கடுகு கறிவேப்பிலை தாளித்துக் கொள்ளவும். அதன் பின் அரைத்த விழுதை சேர்த்து நன்கு கலந்து விடவும். 10 நிமிடம் வரை மூடி வைத்து மிதமான தீயில் வைக்கவும்.

இரண்டு மூன்று நிமிடம் வதக்கினால் பச்சை வாசசட்னி போல் இருக்கும். 5 நிமிடத்திற்கு மேல் மூடி வைத்தால் சட்னி போல இருக்கும். மேலும் 5 நிமிடம் மூடி வைத்தால் எண்ணெய் பிரிந்து தொக்கு பதத்திற்கு வரும். இவற்றை வெளியில் வைத்து 3,4 நாட்கள் வரை உபயோகப்படுத்திக் கொள்ளலாம். இட்லி தோசைக்கு நன்றாக இருக்கும். சப்பாத்திக்கும் தொட்டுக் கொள்ளலாம். இரண்டு செல்லும்போது எடுத்துக்கொள்ள தோதாக இருக்கும்.