செட்டிநாடு காரப்பணியாரம்

பச்சரிசி, குண்டுஉளுந்து, வெந்தயம் எல்லாவற்றையும் மூன்று தடவை கழுவி விட்டு தண்ணீர் ஊற்றி 4 மணி நேரம் ஊற வைக்கவும்.

ஒரு மிக்ஸி ஜாரில் ஊறவைத்த குண்டு உளுந்து, வெந்தயத்தை யும் போட்டு தண்ணீர் தெளித்து தெளித்து நைசாக அரைத்து ஒரு பாத்திரத்தில் ஊற்றி கொள்ளவும்.

பிறகு அதே மிக்ஸி ஜாரில் ஊறவைத்த பச்சரிசியை போட்டு 1 டம்ளர் தண்ணீர் ஊற்றி நைசாக அரைக்கவும்.

அரைத்த அரிசி மாவையும், ஊளுந்தமாவையும் ஒன்றாக கலந்து தேவையான அளவு உப்பு போட்டு கரைத்து 8 மணிநேரம் புளிக்க வைக்கவும்.

பிறகு அடுப்பில் ஒரு கடாயை வைத்து ஒரு ஸ்பூன் எண்ணெய் ஊற்றி எண்ணெய் சூடானதும் கடுகு, உளுந்தம்பருப்பு போட்டு தாளிக்கவும்.பிறகு பொடியாக நறுக்கிய பச்சைமிளகாயை போட்டு வதக்கவும்.

பிறகு பொடியாக நறுக்கிய வெங்காயத்தை போட்டு வதக்கவும்.பிறகு பொடியாக நறுக்கிய கருவேப்பிலை, கொத்தமல்லி இலைகளை போட்டு வதக்கவும்.

பிறகு அரைத்து வைத்த பணியாரமாவில் வதக்கியதை ஊற்றி கலந்து கொள்ளவும்.

அடுப்பில் ஒரு பணியாரகல்லை வைத்து சூடானதும் ஒவ்வொரு குழியிலும் 1 ஸ்பூன் நல்லெண்ணெய் ஊற்றி பிறகு கலந்து வைத்த பணியாரமாவை அதில் ஊற்றி வேகவிடவும்.ஒரு பக்கம் வெந்தவுடன் மறுபக்கம் திருப்பி போட்டு வேகவிடவும்.பிறகு பரிமாறவும்.