100 கிராம் பாசிப்பருப்பை நன்கு கழுவி 15 நிமிடங்கள் ஊற வைத்து 200 கிராம் தண்ணீர் ஊற்றி வேக வைத்து எடுத்துக் கொள்ளவும்.

அடுப்பில் ஒரு கடாயை வைத்து சூடானதும் வேகவைத்த பாசிப்பருப்பை அதில் ஊற்றவும். பிறகு கால் ஸ்பூன் மஞ்சள் தூள் போட்டு 5 நிமிடம் கொதிக்க விடவும்.

பிறகு பொடியாக நறுக்கிய தக்காளி, வெங்காயம், புடலங்காய் அதில் போட்டு தேவையான அளவு உப்பு போட்டு1 டம்ளர் தண்ணீர் ஊற்றி 5 நிமிடம் வேக விடவும்.

பிறகு 1ஸ்பூன் ஜீரகத்தூளை அதில் போட்டு 5 நிமிடம் வேகவிடவும்.பிறகு அடுப்பில் ஒரு தாளிப்பு கரண்டியை வைத்து ஒரு ஸ்பூன் எண்ணெய் ஊற்றி சூடானதும் கடுகு,ஜீரகம் கறிவேப்பிலை போட்டு தாளிக்கவும்.

தாளித்ததை வேகவைத்த புடலங்காய் கூட்டில் ஊற்றி ஒரு நிமிடம் கொதிக்கவிட்டு பிறகு பரிமாறவும். சுவையான புடலங்காய் கூட்டு தயார்.