முதலில் தேவையான பொருட்கள் அனைத்தையும் தயாராக எடுத்து வைக்கவும். பாசிப்பருப்பு மற்றும் கடலைப்பருப்பு இரண்டையும் 20-30 நிமிடங்கள் ஊறவைத்து கொள்ளவும். புடலங்காயை சிறிது பெரிய அளவில் நறுக்கி வைக்கவும். ஒரு மிக்ஸியில் தேங்காய் துண்டுகள், பச்சை மிளகாய், சீரகம் 1 டீஸ்பூன்,
சின்ன வெங்காயம் 4 கறிவேப்பிலை சிறிது போன்றவை சேர்த்து சிறிது தண்ணீர் விட்டு அரைத்து வைத்துக் கொள்ளவும்.

ஒரு குக்கரில் ஊறவைத்த பாசிப்பருப்பு மற்றும் கடலைப்பருப்பு சேர்த்து பருப்பு மூழ்கும் அளவு மட்டுமே தண்ணீர் சேர்த்து கொள்ளவும். அதன் மேல் நறுக்கிய புடலங்காய், மஞ்சள்தூள், சீரகம் 1/2 டீஸ்பூன் சேர்த்து 2 விசில் விட்டு இறக்கவும்.(காய் குழைந்து போகாமல் இருக்க இந்த மாதிரி தண்ணீர் சேர்க்கவும்). ஒரு கடாயில் வேக வைத்த பருப்பு கலவை மற்றும் அரைத்த விழுதை சேர்த்து நன்றாக கலந்து கொதிக்க விடவும். கூட்டு பதத்திற்கு வரும் வரை வேக விடவும்.

ஒரு தாளிப்பு கடாயில் 3 டீஸ்பூன் எண்ணெய் விட்டு காய்ந்ததும் அதில் கடுகு உளுத்தம்பருப்பு கடலைப்பருப்பு சீரகம் சேர்த்து பொரிய விடவும்.பின்னர் வரமிளகாய் சின்ன வெங்காயம் சேர்த்து வதக்கவும்.(சின்ன வெங்காயம் தேவையெனில் மட்டும் சேர்க்கவும்.. ஆனால் தாளித்து கூட்டில் சேர்க்கும் போது சுவை நன்றாக இருக்கும்). கறிவேப்பிலை சேர்த்து தாளித்து கூட்டில் சேர்க்கவும். இப்போது தேவையான அளவு உப்பு சேர்த்து நன்றாக கலந்து கொள்ளவும்.இப்போது சூடான சுவையான புடலங்காய் கூட்டு ரெடி. நன்றி.ஹேமலதா கதிர்வேல்.