உருளைக்கிழங்கை வேகவைத்து தோலுரித்து கட்டிகள் இல்லாமல் நன்றாக மசித்துக்கொள்ளவும். இதில் அடித்து வைத்துள்ள முட்டை, துருவிய சீஸ், சோள மாவு, மிளகுத்தூள், உப்பு, பொடியாக நறுக்கிய கொத்தமல்லி இலைகள் சேர்த்து நன்கு கலந்து விடவும். இறுதியில் பால் சேர்த்து கலக்கவும்.

வட்ட வடிவம் கொண்ட நாசிலை, பைப்பிங் கவரில் பொருத்தவும். இதில் உருளைக்கிழங்கு கலவையை சேர்த்து மேலே ரப்பர் பேண்ட் போடவும். இது இல்லை என்றால் பால் கவரை அலசி அதில் உருளைக்கிழங்கு கலவையை சேர்த்து நுனியில் வட்டமாக வெட்டலாம். இதனை எண்ணெய் தடவிய தோசை திருப்பி என் மேல் ஜிலேபி போல பிழியவும்.

சூடான எண்ணெயில் அருகே உள்ளே தோசை திருப்பி வைத்து 30 விநாடிகள் காத்திருக்கவும். ஜிலேபி பிரிந்து வந்த பின் கரண்டியை எடுத்து விடவும்.

மிதமான தீயில் பொன்னிறமாக பொரித்து எடுக்கவும். அருமையான உருளைக்கிழங்கு கார ஜிலேபி தயார். இதன்மேல் சாட் மசாலா தூவி தக்காளி சாஸ் தொட்டு சாப்பிட்டால் சுவையோ சுவை. சூடாக சாப்பிட்டால் மொறுமொறுப்பாக இருக்கும்.